ABRIL DE POEMAS NATURAIS, XOGOS E LIBROS

AMOSAMOS TODO O PROGRAMA DE ACTIVIDADES CONMEMORATIVAS DO MES DE ABRIL.

ANIMAMOS A TODOS OS PAIS E NAIS E MEMBROS DA COMUNIDADE EDUCATIVA A ASISTIR A CONFERENCIA PREVISTA PARA O LUNS 23, NA BIBLIOTECA DO CENTRO, SOBRE OS XOGOS POPULARES, QUE SERÁ IMPARTIDA POLO RELATOR PACO VEIGA.

Mes do libro de Cristina Piñeiro Lorenzo

ROSALÍA TAMÉN VIVE AQUÍ

EN COLABORACIÓN CO CONCELLO DE AMES E UNÍNDONOS Á PROPOSTA DA A.E.L.G co lema da proposta #AbrideAFiestra,  fixemos un traballo en aula sobre a figura literaria e persoal de Rosalía, lemos poemas nas aulas, traballamos sobre o que a  súa figura representa para nós os amesáns e amesás, para os galegos e o recoñecemento que ten a nivel mundial. 

Logo cada alumno escribiu un poema nun soporte dado polo Concello de Ames  e ilustrouno.

 A idea é que todos os nenos/as o leven para a súa casa e que os poemas teñan luz, facelos visibles, pegándoos no interior dos vidros  nas fiestras e nos portais.

FACEMOS ENTREVISTAS ( DOAZÓN DE XOGUETES)

CO FIN DE QUE O ALUMNADO TOME CONCIENCIA DAS DIFICULTADES POLAS QUE ATRAVESAN ALGUNHAS FAMILIAS E PRETENDENDO  FOMENTAR O VALOR DA SOLIEDARIDADE PROMOVEMOS DENDE O CENTRO  UNHA CAMPAÑA DE RECOLLIDA DE XOGUETES EN COLABORACIÓN CON CARITAS E A PARROQUIA DE ORTOÑO. PARTICIPARON AS FAMILIAS, QUE TEÑEN TODO O NOSO RECOÑECEMENTO E AGRADECEMENTO.

                                

 

O ALUMNADO DE 5º DE ED. PRIMARIA APROVEITOU ESTA ACTVIDADE PARA TRABALLAR A ENTREVISTA NAS AULAS, TOMANDO COMO GUÍA O MATERIAL OFRECIDO POR MÓNICA MUÑOZ E QUE LEVA POR TÍTULO:

APRENDENDO A FACER ENTREVISTAS

AMOSAMOS A ENTREVISTA REALIZADA A :

- MARÍA SANZ RUÍZ DE CLAVIJO (VOLUNTARIA DE CÁRITAS)

-JOSÉ LUIS DORELLE IGLESIAS ( PÁRROCO DE BERTAMIRÁNS)

EXPOSICIÓN BIBLIOGRÁFICA DAS NOVIDADES E DO PROXECTO.

XA TEMOS A NOVA EXPOSICIÓN DE LIBROS RELACIONADOS CO PROXECTO

XOGOS DE AQUÍ E DE ACOLÁ

E DOS NOVOS FONDOS ADQUIRIDOS.

OS PAPÁS E MAMÁS PODEDES VELOS NO CORREDOR DA ENTRADA DO CENTRO OU  DARLLE LECTURA MENTRES AGARDADE A SAÍDA DOS NENOS/AS. 

ANIMAMOS AO PROFESORADO  E AO ALUMNADO A QUE LLE BOTE UNHA VISUAL PARA LOGO LEVALOS ÁS AULAS OU PARA A CASA.

AGARDAMOS QUE VOS GUSTEN .

                           

COMPARTINDO TRADICIÓNS COAS FAMILIAS

AS FAMILIAS DO ALUMNADO DE 5 ANOS FORON AS ENCARGADAS DE LEVARNOS ÁS ORIXES E ÁS NOSAS TRADICIÓNS.

UNHA AVOA  BRINDOUSE PARA VIR AO COLE E LOGO DE CONTARLLES UN CONTO AOS NENOS/AS FALOULLE DAS TRADICIÓNS DE FACER BONECAS COAS ESPIGAS DE MILLO. ENSINOULLE A TODOS COMO AS CONFECCIONABAN E LOGO CADA ALUMNO/A ELABOROU A SÚA NA AULA.

COMPARTIMOS UNHA FERMOSA EXPERIENCIA COS NOSOS MAIORES DA QUE VOS DAMOS CONTA NESTE VIDEO, QUE VOS AMOSAMOS, E AO QUE LLE PUXEMOS MÚSICA DE MIGALLAS DA CANCIÓN PAN DE MILLO. 

FERMOSO TRABALLO RAPACES. 

TAMÉN XOGAMOS NO SAMAÍN

E UN ANO MÁIS VOLVEMOS A CELEBRAR O SAMAÍN. NESTA OCASIÓN O TEMA FORON OS XOGOS. DIFERENTES XOGOS TRADICIONAIS E POPULARES  ELABORADOS CON CABAZAS E ESPIGAS DE MILLO. OS PAIS E NAIS, COMO EN ANOS ANTERIORES, FORON OS QUE FIXERON POSIBLE ESTA FESTA. PARTICIPARON MASIVAMENTE NA REALIZACIÓN PLÁSTICA FACENDO GALA DUNHA GRANDE CREATIVIDADE. 

POLA TARDE DENDE AS 18:30 ATA AS 20.30 EN COLABORACIÓN COA AMPA HOUBO UNHA TERRORÍFICA FESTA NO PATIO. ASISTIRON MOITOS PAIS E NAIS QUE AGASALLARON AOS NENOS/AS CON DOCES TÍPICOS DESTA CELEBRACIÓN ADEMAIS DE EXQUISITOS BOLICOS E TARTAS FEITAS CON CABAZA.

FOI UNHA FESTA TERRORIFICAMENTE DIVERTIDA.

 AMOSAMOS UN PEQUENO VIDEO DESTA CELEBRACIÓN

XA ESTAMOS NA BIBLIO QUE ALEGRÍA!

O DÍA 23 DE OUTUBRO ABRIMOS A BIBLIOTECA. DURANTE ESA SEMANA TODO O ALUMNADO DO CENTRO PASOU POLA BIBLIOTECA  PARA FACER A FORMACIÓN DE USUARIOS. LEOPOLDO ,A NOSA MASCOTA, VEU CARGADO DE XOGOS DE PISTAS PARA AXUDARNOS A SABER LOCALIZAR OS LIBROS NA BIBLIO, SEGUNDO A C.D.U. TAMÉN LEMBRAMOS AS NORMAS E COMO TEMOS QUE USAR OS MARCADORES. ISABEL REPARTEU OS CARNÉS A PROFES E NENOS/AS E FINALMENTE XA NOS DOU A ESPERADA MOCHILA PARA QUE EMPECEN A RULAR. ENCÁNTANOS LEVALA PARA CASA. A VER QUE SORPRESAS TRAE ESTE ANO, XA VEREMOS!

LECTURAS DE OUTONO

XA TEMOS PREPARADAS AS LECTURAS DO OUTONO.  OS LIBROS ESTÁN EXPOSTOS NO CORREDOR DA ENTRADA. A NOS GÚSTANOS MOITO MIRALOS E ADEMAIS MENTRAS OS PAPÁS E MAMÁS AGARDAN DA SAÍDA DOS NENOS/AS TAMÉN  PODEN DISFRUTAR DA SÚA LECTURA. 

ORIENTACIÓN EN E. FÍSICA

Este curso realizouse a actividade de Orientación de Ed. Física o día 10 de outubro  no paseo fluvial de Bertamiráns co alumnado de 5º e 6º de Ed Primaria. Tomouse como base o proxecto do Centro 

XOGOS DE AQUÍ E DE ACOLÁ

Neste caso comezouse traballando e informando nas clases de Ed. Física sobre os xogos populares (brilé, zancos, aro con guía, tabas, mariola, goma, trompos, corda, pano e petanca) xa que logo serían utilizados nesta actividade de orientación. Trátase de que o alumnado sexa quen de situarse no espazo traballando o plano. Na véspera agóchanse as dez imaxes do xogo traballado no paseo  de bertamiráns. Por grupos, cun mapa coas distintas localizacións marcadas, os rapaces/as van saíndo cada cinco minutos realizando carreiras de orientación para buscalas e anotando, nunha tarxeta de control, o nome do xogo popular correspondente a cada pista.

PROXECTO 2017-18

Jugar para un niño es la posibilidad de recortar un trocito de mundo y manipularlo
(FRANCESCO TONUCCI)

XOGOS DE AQUÍ E DE ACOLÁ

CON MOITA ILUSIÓN INICIAMOS O PROXECTO PARA ESTA CURSO COORDINADO POLA BIBLIOTECA ESCOLAR 

QUEREMOS DESPEDIR AO ANTIGO EQUIPO DIRECTIVO E AGRADECER A IMPLICACIÓN QUE TIVO PARA LEVAR A CABO OS DIFERENTES PROXECTOS DE CENTRO DURANTE ESTES OITO ANOS.

AO MESMO TEMPO  DAMOS  A BENVIDA AO NOVO EQUIPO DIRECTIVO, QUE ESTÁ TRABALLANDO CON MOITA ENERXÍA E ILUSIÓN PARA CONTINUAR COS PROXECTOS DESENVOLVIDOS NO CENTRO E INICIAR ALGÚN NOVO. O NOSO AGRADECEMENTO A ANA, MEMBRO ATA O DE AGORA DO EQUIPO DA BIBLIOTECA, QUE ACEPTOU COLLER A SÚA COORDINACIÓN.

XUSTIFICACIÓN

O NOSO CENTRO MEDRA CONTINUAMENTE EN NÚMERO DE ALUMNOS/AS E MERMA O  ESPAZO DESTINADO AO XOGO. OBSERVAMOS QUE O NÚMERO DE CONFLITOS RELACIONADOS COA CONVIVENCIA AUMENTARON SOBRE TODO NO PATIO ESCOLAR.

PROPOÑÉMONOS ENTON :

-REORGANIZAR AS ZONAS DE XOGO NO PATIO ESCOLAR.

-INTRODUCIR O XOGO TRADICIONAL DE MANEIRA SISTEMÁTICA NAS HORAS DE LECER 

-DAR A COÑECER OS XOGOS TRADICIONAIS E OUTROS XOGOS

-DISFRUTAR  COS XOGOS TRADICIONAIS E VALORALOS.

-COÑECER E RESPECTAR AS NORMAS ESTABLECIDAS.

-FAVORECER A PARTICIPACIÓN ACTIVA EN ACTIVIDADES GRUPAIS.

-UTILIZAR E REPRODUCIR TEXTOS DA TRADICIÓN POPULAR: RIMAS, CANCIÓNS.

-ACEPTAR AS PEQUENAS FRUSTRACIÓNS.

-APRENDER A PENSAR A TRAVÉS DO XOGO.

AGARDAMOS COMO ATA O DE AGORA A COLABORACIÓN DE TODA A COMUNIDADE EDUCATIVA E A IMPLICACIÓN DAS FAMILIAS PARA PODER LEVALO A CABO DUN  XEITO SATISFACTORIO E LÚDICO: 

APRENDER XOGANDO.

DOCUMENTACIÓN :XOGOS DE AQUÍ E DE ACOLÁ