FALADOIROS NO MUIÑO: Daniela, nai de Hugo Barreiro 1ºB

 Hoxe veu a visitarnos Daniela, nai de Hugo Barreiro, para contarnos a súa experiencia como

voluntaria nun orfanato en Kenia. Puidemos coñecer da súa man como viven nenos e nenas

coma vós neste país de África e que, pese a ter tan pouquiño, son moi sempre moi agradecidos

e teñen un sorriso infinito.

Tamén vimos moitos dos animais que viven alí, aprendemos as nosas primeiras palabras en

suahili e mesmo nos atrevemos a cantar unha canción. E para rematar a súa visita, puidemos

mover as cadeiras con ritmos africanos! Pasámolo xenial!

Asante, Daniela!! Foi unha marabilla contar contigo.

Preme na imaxe para ver o contido

FALADOIROS NO MUÍÑO: Alicia, nai de Marinha de 2ºA

 O venres veu a 2ºA aos Faladoiros do Muíño Alicia, a nai de Marinha, a darnos unha charla e uns consellos sobre primeiros auxilios (que agardamos non ter que usar nunca). Pero unha cousa que aprendimos é que se temos que reanimar a un peluche, hai que levar o ritmo dos masaxes cantando a Macarena!

FALADOIROS NO MUÍÑO: Unha fiestra aberta a... Italia. Maite, nai de Eire 1ºB

 Ciao ragazzi

Hoxe, en 1ºB, tivemos o pracer de contar con Maite. Grazas a ela, e a súa pequena e marabillosa tripulante de cabina, Eire, puidemos viaxar ata Italia e coñecer fermosos lugares coma Roma, Pompeia, Florencia e ata dar un paseo en góndola por Venecia. Grazas polo paseo, Maite.

Preme na imaxe para ver máis contido

FALADOIROS NO MUÍÑO: Unha fiestra aberta a... Francia. Delphine nai de Sofía de 1ºB

 Este mércores visitounos Delphine, a nai de Sofía de 1ºB. Non sei se sabiades que, tanto Sofía coma súa nai, son francesas. Por iso nos trouxeron un montón de fotos de Normandía, onde vive moita da súa familia. E tamén de París, a cidade da Luz. Ademais, aprendemos as nosas primeiras palabras en francés e até nos cantaron un anaquiño do seu himno. Que gusto escoitarvos! 

Merci beaucoup, Delphine et Sofía!

Preme na imaxe para ver máis.

FALADOIROS NO MUIÑO. Música brasileira e fados portugueses

Os nenos e nenas de 3 anos estivemos de sorte, xa que puidemos desfrutar dun pequeno concerto con Saúl Canosa (clarinete) pai da compañeira Sarela Canosa, e con Xosé Rodríguez (guitarra). Con música brasileira e fados portugueses, como " Creba Queixo", "Doçe de Coco"... e para rematar tocaron, cantamos e bailamos o Pitinho Amarelinho. Moitas grazas.

Preme na imaxe para ver máis fotos

FALADOIROS NO MUÍÑO: CONTACONTOS NA AULA DE 3 ANOS A

 Nesta ocasión, recibimos a visita de Fani, a nai de Elsa Cuns de 3 anos A e contounos os seguintes contos:

Galiño Pelado e La rana de la boca grande. Foi un pracer escoitarte.

Moitas grazas pola túa colaboración.

preme na imaxe

.FALADOIROS NO MUÍÑO: VANESSA enfermeira no CHUS e nai de Vera 1B

 O pasado 15 de marzo visitounos Vanessa, a nai de Vera de 1ºB. Ela é enfermeira, e traballa na planta infantil do Hospital Clínico Universitario de Santiago. Trouxonos un libro moi chulo, “O diario de contos de Gabriela”. É unha recompilación de varias historias escritas por Manuel Martínez Pérez, e que está ilustrado polos nenos e nenas da Escola Infantil do hospital. Vanessa leunos algúns dos seus contos e… non nos puideron gustar máis!

Moitas grazas pola visita!

FALADOIROS NO MUÍÑO: ENTROIDO E COSTUMES DAS ILLAS CANARIAS.

 Nesta ocasión, a nai de Yhadira, de 4º B, contounos como é o entroido canario e algunhas costumes  das illas Canarias moi interesantes.

Moitas grazas pola túa colaboración.

preme na imaxe

FALADOIROS NO MUÍÑO: VISITA A UNS FAMILIARES EN ALEMAÑA POLO NADAL

 A mamá de Xela e máis o seu irmán Martiño, nos contaron a súa experiencia visitando uns familiares en Alemaña durante o pasado Nadal. 

Ademais de ensinarnos moitas fotos, tamén tivemos a oportunidade de escoitar unha mensaxe en alemán da tía de Xela e despois contáronnos un conto dun autor alemán: "que bonito é Panamá" de Janosch (escritor e ilustrador de contos infantís).

Foi un pracer contar con Nancy e Martiño. Grazas!

preme na imaxe

FALADOIROS NO MUÍÑO: EXPERIENCIA LABORAL EN ALEMAÑA

 A aula vermella (5 anos B) recibimos a visita do papá de Sebastián. Él estivo traballando en Alemaña e contounos moitas costumes e tradicións deste país. 

As cousas que máis lle chamaron a atención foi que os nenos e nenas alemáns van sos ao colexio, que se descalzan para entrar nas casas ou que o primeiro día de cole reciben un cucurucho enorme de larpeiradas,...

Moitas grazas a Carlos por compartir a súa experiencia con nós.

preme na imaxe

FALADOIROS NO MUÍÑO: CONTO A QUE SABE A LÚA?

 Nesta ocasión,  Elda, a nai de Ana, de 3 anos A, visitounos e contounos o conto: 

A que sabe a lúa?

Moitas grazas pola túa colaboración.

preme ma imaxe

FALADOIROS NO MUÍÑO: A GAITA GALEGA

 Antonio Sanjiao, pai de Nico de 3º C, ensinounos a gaita galega.

Moitas grazas pola túa colaboración.

preme ma imaxe

FALADOIROS NO MUÍÑO: A HISTORIA DO GALO DE BARCELOS.

 Nesta ocasión, Noelia e Diogo, nai e pai de Dante de 3 anos A, viñeron a contar o conto: "A historia do Galo de Barcelos".

Moitas grazas pola vosa colaboración!!!

preme na imaxe

FALADOIROS NO MUÍÑO: CONTO DE NADAL

 Nesta ocasión, a nai de Micaela, de 4º B, contounos un Conto de Nadal.

Moitas grazas pola túa colaboración.

preme na imaxe

FALADOIROS NO MUÍÑO: ENTREVISTA A UNHA AUXILIAR DE VOO

 Nesta entrevista, a nai de Tiago e Olalla, de 4º B, comentounos moitísimas experiencias a bordo dun avión. Falou das súas viaxes a Exipto, Sudáfrica (Mundial 2010), EE.UU... Resultou moi interesante.

Moitas grazas pola túa colaboración!!!

preme na imaxe

FALADOIROS NO MUÍÑO: VIAXE A BALI

 Nesta ocasión, a nai de Candela, 4º B, contounos a súa viaxe por Bali.

Moitas grazas por compartir!!!!

preme na imaxe

FALADOIROS NO MUÍÑO 2

 Nesta ocasión, viñeron Noa e Juan, pais de Alma e Clara, de 5 anos A, a facernos varios experimentos: maicena alucinante, choiva e neve! Foi estupendo!!

preme na imaxe

COMEZAN OS FALADOIROS NO MUÍÑO

 Hoxe reinaguramos de novo a actividade

 "FALADOIROS NO MUÍÑO".

Neste FALADOIRO Nº 1: 

APRENDENDO CIENCIA CON IRENE

Neste mes da Ciencia en Galego, o alumnado de 6º de Ed. Infantil, realizaron o experimento "Carreira de cores", para explicar a capilaridade e viron varios seres vivos como un cabaliño do demo, un sapo, polilla de calavera, un escorpión, unha abella, a camisa dunha serpe, varios niños de paxaros e o cráneo dunha ave mariña.

Moitas grazas a Irene pola súa colaboración!!!

preme na imaxe