Biblioteca escolar Ceip Agro do Muíño
Neste curso comezamos a dinamizar a nosa biblioteca con diversos talentos nos recreos e dentro do programa de Biblioteca Creativa. Nesta ocasión damos as grazas a Dani, Alexandra, Muriel e Lía por compartir en Agrobiblio o seu talento musical.
Volvede cando queirades!!! Unha aperta grande.
Maribel e Manolo.
Preme na imaxe
Hoxe rematamos o obradoiro de Lettering, onde os alumnos que voluntariamente quixeron de 2º, 3º, 4º, 5º e 6ºpuideron participar.
Damos as grazas a Iria polo seu bo facer e transmitirnos o seu agarimo polo Lettering. Tamén a Candela por estar de axudante e fotógrafa.
Moita sorte no instituto e moitas grazas por compartir o voso tempo de lecer con Agrobiblio. Sabedes que podedes vir cando queirades.
Unha forte aperta!
Maribel e Manolo.
Preme na imaxe
XOVES 12 DE XUÑO
MINI CONCERTO EN AGROBIBLIO
Promete ser un evento inesquecible, especialmente coa participación de talentosos alumn@s de 3º A: Dani, Muriel, Alexandra e Lía. Est@s alumn@s coñecid@s pola súa habilidade musical e o seu entusiasmo, estivo ensaiando para ofrecer unha actuación que atrape a tod@s @s asistentes. A biblioteca transformarase nun escenario vibrante creando unha atmosfera máxica. Sen dúbida, será un recreo cheo de música e emoción .
Non o perdas!
O alumnado de 3º de Ed. Primaria,, dentro do programa de Biblioteca Creativa, creou e deseñou uns animais co material "Hama". Este material é moi útil para a concentración, secuenciación e psicomotricidade fina.
Preme na imaxe
A nosa Biblioteca Creativa está a recibir moitas visitas. Neste caso, podemos ver que ben o pasaron o noso alumnado de 3º C.
Preme na imaxe
A biblioaxudante Iria, de 6º A está a realizar un obradoiro de lettering con todo o alumnado que está interesado nesta “arte”.
O obradoiro está tendo moi boa acollida polo resto do alumnado que acude no recreo a realizalo. Moitas grazas Iria.
Preme na imaxe
O vindeiro luns 19 comezamos co Obradoiro de Lettering na biblioteca nos recreos. Estivemos organizando para poder participar a maioría dos alumnos.
Este obradoiro, está dentro das actividades de Biblioteca Creativa e será impartido por Iria de 6º A.
Aquí tedes como foi organizado e con axuda dunhas alumnas de 3º.
Preme na imaxe
Onte e hoxe tivemos no recreo na biblioteca, a un invitado especial: Hugo de 4º A. O alumnado de 2º e 3º de Primaria gozaron desta actuación. Hugo ensinounos o seu dominio e divertidos trucos co seu diábolo. Encantounos moitísimo e nos sorprendeu unha chea.
Preme na imaxe
O alumnado de 5 anos de Educación Infantil asistiu a unha charla divulgativa sobre a fauna mariña e o alumnado de 1º de Primaria asistiu a uns obradoiros manipulativos con varios ámbitos de temática do océano, dentro do programa Biblioteca Creativa e relacionado co noso PDI deste curso. Clasificaron, investigaron, observaron...Xa sabes: Mergúllate no Agro!
preme na imaxe
