Gañadores/as das Postais de Nadal

 Como cada Nadal, o E.D.L.G. organiza o CONCURSO DE POSTAIS, contando coa colaboración do equipo de biblioteca.

Baixo o lema “Un Nadal espacial”, o alumnado deixou voar a imaxinación a través das súas postais.

A entrega de premios tivo lugar na Agrobiblio, nun ambiente de ilusión e celebración, coa colaboración da ANPA nos agasallos.

Aquí podedes ver aos gañadores e gañadoras desta edición, que nos fixeron viaxar polo universo coas súas creacións.

Parabéns a todo o alumnado participante!

PREME NA IMAXE

AGROBIBLIO MIRA AO CEO

 No marco do noso PDI Agronautas en órbita, o alumnado de 5º e 6º de Primaria participou en Agrobiblio nunha interesante charla impartida por Ramón Iglesias e outro membro do Clube Astronómico Vega de Santiago.

Durante a sesión, os nenos e nenas descubriron como se producen os eclipses, coñeceron algunhas constelacións e aprenderon máis sobre os tres eclipses que poderán observarse desde Galicia nos próximos anos. Entre eles destaca o eclipse total de Sol de agosto de 2026, un acontecemento excepcional que poderá verse na súa totalidade desde a nosa comunidade.

A actividade permitiulles seguir explorando o universo e afondar en contidos relacionados coa astronomía, espertando a súa curiosidade científica e preparándoos para vivir un fenómeno que quedará gravado na memoria de toda unha xeración.

Moitas grazas ao Clube Astronómico Vega por compartir co noso alumnado os seus coñecementos e a súa paixón polo ceo e as estrelas.

PREME NA IMAXE 

GUÍA DE NADAL 2025

  Aquí vos deixamos a guía de recomendacións lectoras para este Nadal que elabora a rede de bibliotecas escolares do Concello de Ames. 

Botádelle un ollo!

POSTAIS GAÑADORAS

 Estas son as postais gañadoras do noso Concurso de Nadal.

Unha mostra de creatividade, ilusión e bo facer por parte do alumnado.

Parabéns ás persoas premiadas e grazas a todas e todos por participar!

CONCURSO DE POSTAIS DE NADAL

 A biblioteca do CEIP Agro do Muíño, en colaboración co Equipo de Normalización Lingüística, organizou o Concurso de Postais de Nadal, no que o alumnado amosou a súa creatividade e ilusión empregando a lingua galega.

As postais encheron a entrada do cole de cor, mensaxes bonitas e espírito navideño.

Parabéns a todo o alumnado participante!

A NOSA ÁRBORE DE NADAL

 Este Nadal, a árbore do cole énchese de ilusión con adornos creados polo alumnado.

Un espazo compartido cheo de creatividade, colaboración e espírito navideño. 

FALADOIRO: OBRADOIRO DE GALLETAS ESPACIAIS 3º C

 Hoxe tivemos un faladoiro-obradoiro moi especial da man da nai de Vicky, coa que nos convertimos en auténticos cociñeiros e cociñeiras do espazo.

Durante a actividade elaboramos deliciosas galletas de manteiga con forma de estrelas e lúas, gozando dun momento moi divertido e creativo.

Unha experiencia doce e inesquecible que nos permitiu aprender facendo.

Moitas grazas pola proposta e por este obradoiro tan saboroso!

PREME NA IMAXE 

FALADOIRO: OS EXTRATERRESTRES VISITAN AMES 4º B

 Hoxe tivemos un faladoiro moi especial da man de Blas, pai de Xaime, que nos sorprendeu cunha divertida historia protagonizada por uns extraterrestres de Plutón.

Na súa aventura, os plutonianos aterrizaban no Monte San Marcos coa intención de coñecer o municipio de Ames e pasar o verán, xa que no seu planeta fai moito frío. A través deste relato, o alumnado foi descubrindo curiosidades sobre o noso contorno, como as 11 parroquias de Ames ou os ríos máis importantes que o atravesan, o Tambre e o Sar.

Unha proposta moi orixinal que mesturou imaxinación e coñecemento do medio.

Moitas grazas, Blas, por facernos viaxar de Plutón a Ames!

PREME NA IMAXE 

FALADOIRO: O PERGAMEO 3º C

 Hoxe tivemos un faladoiro moi interesante da man da madriña de Abril, que nos achegou ao mundo do pergameo.

Explicounos de onde procede o seu nome, como se elaboraban antigamente e cales eran os seus usos, tanto no pasado como na actualidade. Tamén coñecemos os materiais que se empregan para decoralos e puidemos ver algúns exemplos feitos por ela, que nos sorprenderon moito.

Foi unha experiencia moi enriquecedora que nos permitiu descubrir unha técnica tradicional chea de historia.

Moitas grazas por compartir connosco este saber!

PREME NA IMAXE

LECTURA: A SEÑORITA BUBBLE: AVENTURAS BAIXO DERO, DE LEDICIA COSTAS

Nesta sesión traballamos a lectura de A señorita Bubble: Aventuras baixo cero, de Ledicia Costas, unha historia chea de imaxinación, ciencia e conciencia ambiental.

A partir do libro, reflexionamos sobre o problema do desxeo e o impacto do cambio climático no noso planeta. Para facelo dunha maneira práctica e significativa, realizamos un experimento no que analizamos como se produce o desxeo e que accións podemos levar a cabo para contribuír a frear este problema.

Esta actividade permitiu aos participantes non só comprender mellor os contidos do libro, senón tamén tomar conciencia da importancia de coidar o medio ambiente desde as nosas propias accións diarias, fomentando unha actitude responsable e comprometida co entorno.

 

PREME NA IMAXE

FALADOIRO: UNHA NAVIDAD MUY ESPACIAL 4 ANOS B

 A nai de Sofía veu a contarnos o conto "Una Navidad muy espacial"

Moitas grazas pola túa colaboración.

PREME NA IMAXE

FALADOIRO: " VIAXE LUNAR" 2º C

 Hoxe tivemos un faladoiro moi especial titulado “Viaxe lunar”, da man de Teresa, avoa de Pedro.

A través desta proposta, o alumnado realizou unha fascinante viaxe polo espazo para descubrir os segredos do noso satélite, a Lúa. Coñecemos curiosidades, características e detalles que espertaron a nosa curiosidade polo universo.

Unha experiencia moi enriquecedora que nos fixo aprender e soñar coa Lúa.

Moitas grazas, Teresa, por acompañarnos nesta viaxe tan especial!

PREME NA IMAXE