As Naves dos Contos volven despegar

 Hoxe tamén saíron as Naves dos Contos rumbo ás distintas aulas do centro para potenciar a hora de ler, achegando ao alumnado unha selección variada de libros e textos. A lectura sae da biblioteca e entra nas aulas a través de diferentes propostas lectoras que invitan a descubrir, imaxinar e gozar das historias.

Entroido creativo na biblioteca

 Con motivo do Entroido, na biblioteca preparamos unha pequena exposición de libros relacionados con esta celebración. Ademais, durante toda a semana, o alumnado poderá gozar dunha mesa temática con materiais para deseñar e crear a súa propia máscara de Entroido, deixando voar a imaxinación e a creatividade.

Animadores á lectura en acción

 Esta semana comezamos cos Animadores á lectura. O alumnado voluntario de 6º de Primaria estivo a preparar durante os recreos os seus propios contos: elaboraron o guión, traballaron a interpretación e crearon monicreques para dar vida ás historias.

A partir de agora, iranse achegando progresivamente ás distintas aulas na hora de ler para compartir os seus contos e converterse en verdadeiros mediadores de lectura.

Nesta primeira semana, as aulas visitadas foron 3 anos B, 1º A e 1º C.

PREME NAS IMAXES

AGRO DO MUÍÑO, PORTA DE ENTRADA A “GALICIA EXPLORA O CEO”

 Hoxe o CEIP Agro do Muíño converteuse no escenario da presentación do programa “Galicia explora o ceo”, unha iniciativa que permitirá á cidadanía prepararse para observar, con total seguridade, a eclipse total de Sol que terá lugar o vindeiro 12 de agosto, un fenómeno astronómico excepcional que en Galicia poderá contemplarse na súa totalidade.

O acto contou coa presenza de diferentes representantes institucionais e tivo uns anfitrións de excepción: o alumnado de 1º e 5º de Primaria, que deu mostra do seu saber estar, da súa responsabilidade e da súa capacidade para participar nun evento tan especial.

Esta actividade enlaza á perfección co noso proxecto “Agronautas en órbita”, achegando ao alumnado á ciencia e á observación do universo dunha maneira directa e significativa.

Parabéns á nosa rapazada polo magnífico papel desempeñado. A seguir explorando o universo e mirando cara ao ceo con curiosidade e ilusión!

PREME NA IMAXE

PARA SABER MÁIS...PREME NA IMAXE

Algo se está a tecer na biblioteca

 Fíos que se cruzan, cores que se entrelazan, mans que crean con paciencia.

Na biblioteca empezan a aparecer sinais: la, ganchillos e pequenos traballos feitos con moito agarimo.

Algo se está a preparar… algo que se constrúe punto a punto, con tempo e ilusión.

Algo se está a tecer…

Aínda non se pode contar, pero promete ser algo moi especial.

Estade atentos… e atentas, porque cando os fíos se xuntan, pasan cousas bonitas.

FALADOIRO: "VERA ASTRONAUTA" 4 ANOS B

 Hoxe contamos coa visita da nai de Mara, na nosa aula de 4 anos B e contounos o conto "Vera astronuata". Ata fixemos unhas buxainas de madeira do sistema solar...E falounos da vida dos astronautas.

Grazas pola túa colaboración.

PREME NA IMAXE

PRIMEIRO ENCONTRO APADRIÑAMENTOS LECTORES

 Os Apadriñamentos lectores son unha actividade na que o alumnado maior acompaña ao alumnado máis pequeno no camiño da lectura. No primeiro encontro, os padriños e madriñas acudiron ás aulas dos seus afillados para coñecerse e, con motivo do Día da Paz, realizaron xuntos unha pomba da paz. Nos vindeiros encontros, compartirán momentos de lectura nos diferentes espazos do centro.

PREME NAS IMAXES

LECTURAS POLA PAZ

 Con motivo do Día da Paz, na biblioteca preparamos unha pequena exposición de libros relacionados coa paz, o respecto e a convivencia, invitando ao alumnado a ler e reflexionar sobre estes valores tan importantes.

FALADOIRO: VIDA NA ESTACIÓN ESPACIAL INTERNACIONAL 2º B

 Hoxe tivemos un faladoiro moi interesante da man de Marta Carballa, que nos achegou ao día a día na Estación Espacial Internacional.

Aprendemos como viven os astronautas, como organizan a súa vida no espazo e tamén como xestionan os residuos que producen. Ademais, descubrimos como conseguen dispoñer de alimentos durante os longos períodos que pasan fóra da Terra.

Unha experiencia moi enriquecedora que nos permitiu coñecer mellor a vida máis alá do noso planeta.

Moitas grazas por compartir connosco este fascinante faladoiro!

PREME NA IMAXE 

FALADOIRO: O SISTEMA SOLAR 1º B

 Hoxe tivemos un faladoiro moi interesante da man de Patricia, nai de Martina Hermos, que nos achegou ao fascinante mundo do sistema solar.

O alumnado puido coñecer os tamaños dos planetas, as características doutros astros e tamén a denominación da nosa galaxia, ampliando así os seus coñecementos sobre o universo.

Unha experiencia moi enriquecedora que espertou a curiosidade e o interese polo espazo.

Moitas grazas, Patricia, por compartir connosco este viaxe polo universo! 

PREME NA IMAXE

XADREZ NA BIBLIOTECA

 Na biblioteca Agrobiblio estamos a preparar un Torneo Infantil de Xadrez. Xa temos aos participantes e estamos a deixar todo listo para vivir partidas cheas de concentración, ilusión e diversión.

Leo e Lea xa están listos para acompañarnos dende a biblioteca.

Seguide atentos e…

¡que comece a partida!

FALADOIRO DOCE: CAKE POPS EN “DOLCI E BAMBINI” 6º C

 Hoxe, o alumnado de 6º B participou nun faladoiro moi especial fóra do centro. A mamá de Dana convidounos ao seu obrador, “Dolci e Bambini”, onde tivemos a oportunidade de aprender a elaborar cake pops, unhas saborosas boliñas de biscoito cubertas de chocolate.

Foi unha experiencia moi doce e divertida, na que puidemos coñecer de primeira man o proceso de elaboración e gozar creando as nosas propias preparacións.

Pasámolo xenial e levamos un recordo moi especial desta actividade!

Moitas grazas pola invitación e por compartir connosco este momento tan saboroso!

PREME NA IMAXE