GUÍAS PARA FAMILIAS FAVORECEMOS HABILIDADES DE SOCIALIZACIÓN

OS SERES HUMANOS SOMOS SERES SOCIAIS E POLO TANTO DEBEMOS ADQUIRIR HABILIDADES QUE NOS PERMITAN INTERACCIONAR CO NOSO ENTORNO MÁIS PRÓXIMO. DENDE O DEPARTAMENTO DE ORIENTACIÓN EDITAMOS A 1ª GUÍA DE FAMILIAS PARA O CURSO 2013-14 E QUE LEVA POR TÍTULO FAVORECEMOS HABILIDADES DE SOCIALIZACIÓN.

ESCOLA CREATIVA

 MANUEL MIGUÉNS, COMPAÑEIRO EN PRÁCTICAS NO NOSO COLE FOI O PROMOTOR DESTE PROXECTO INNOVADOR NO NOSO CENTRO

 
Pretendemos,a través  desta iniciativa, a exploración e experimentación doutras posibilidades de facer escola. Isto é, doutras formas de vivir o centro e a aula, que nos permitan coñecernos e entendernos mellor, aprender mellor, ensinar mellor e convivir mellor, a partires da creatividade, da reflexión, da diversidade de motivacións e intereses persoais, da transformación da realidade que nos rodea e de moitas ganas de pasalo ben. O proxecto escolacreactiva é, en resumo, unha pequena e humilde aproximación transversal cara a incorporación e integración curricular de aspectos tan importantes como a creatividade, a intelixencia emocional, a autonomía, o pensamento crítico ou a procura dunha utópica felicidade sostible, tentando de reactivar, se cabe aínda máis, a vida do noso centro, en base a reflexionar, actuar e, tamén, a divertirnos. Con este obxectivo, serán unha constante no desenvolvemento deste proxecto ferramentas pedagóxicas como:  

• O uso das artes como vehículo para unha aprendizaxe interdisciplinar.  
• A procura de comportamentos creativos, buscando a orixinalidade dentro das motivacións máis íntimas e persoais.
• A fabricación e posta en marcha de situacións orixinais e insólitas que provoquen expectación, diversidade de reaccións e emocións, sobre as cales reflexionar.
• A estreita colaboración entre mestr@s de distintas áreas curriculares (e mesmo de diferentes ciclos) co obxecto de desenvolver experiencias de ensino globalizado, fomentando as relacións interpersoais e a mellora da convivencia.(Texto e fotografías Manuel MIguéns)

TRAÉDEME HISTORIAS FALADOIROS NO MUÍÑO

AQUÍ VOS DEIXAMOS UNHA MOSTRA DAS ACTIVIDADES DESENVOLVIDAS NO PRIMEIRO TRIMESTRE EN FALADOIROS NO MUÍÑO. ANIMAMOS A TODOS OS PAIS/NAIS AVÓS/AVOAS A CONTINUAR PARTICIPANDO NESTE FERMOSO PROXECTO, QUE ESTÁ TENDO UNHA ESTUPENDA ACOLLIDA. COLABORANDO TODOS OS RENDEMENTOS SON MOITO MÁIS ALTOS, OS NEN@S DISFRUTAN MOITÍSIMO DOS VOSOS RELATOS APORTÁNDOLLE UN GRAN ENRIQUECEMENTO PERSOAL E GRUPAL. DÁMOSVOS DE NOVO AS GRAZAS POLO VOSO ENTUSIASMO.

LENDO ESPERO E NON ME DESESPERO ( EXPOSICIÓNS BIBLIOGRÁFICAS)

Amosamos unha presentación das exposicións bibliográficas que levamos a cabo durante o 1º trimestre co fin de achegar a lectura a familias e alumnado, dar a coñecer a todos os membros da Comunidade Educativa os fondos relacionados co proxecto RIADA DE LIBROS e os libros  dos que dispoñemos na biblioteca escolar, que teñen como temática o relacionado con diferentes conmemoracións, neste caso O MEDO-SAMAÍN 

Ríada de libros 1º trimestre 2013 from xistina

BO NADAL

GUÍA DE LECTURAS NADAL 2013

Dende o equipo da biblioteca ofrecemos esta guía de lecturas para o Nadal. A selección dos libros foi relizada polo profesorado dos diferentes ciclos.

 O REGALO DUN LIBRO ADEMÁIS DUN AGASALLO É O  

ELOXIO MÁIS DELICADO

 

XOGO DE PISTAS RÍOS GALEGOS

O PROFESORADO DE ED. FÍSICA DESEÑOU PARA O ALUMNADO DE 5º E 6º DE PRIMARIA UN XOGO DE PISTAS SOBRE 8 RÍOS GALEGOS E OUTRO DE CARREIRAS DE ORIENTACIÓN. NO XOGO DE PISTAS TRATÁBASE DE BUSCAR INFORMACIÓN SOBRE ESTES RÍOS : NACEMENTO, LUGARES POLOS QUE PASA, FLORA, FAUNA, ENCOROS, LENDAS E DESMBOCADURA. OS ALUMNOS DIVIDIDOS EN GRUPOS MARCABAN A LOCALIZACIÓN DAS PISTAS NUN PLANO CO FIN DE QUE O ALUMNADO DOUTROS GRUPOS AS BUSCASEN. NO REMATE CADA GRUPO DEBÍA COMENTAR QUE RÍO LLES TOCOU E COMUNICAR A TODOS OS DEMAIS A INFORMACIÓN RECOLLIDA SOBRE ESE RÍO.AS CARREIRAS DE ORIENTACIÓN REALIZÁRONSE NAS BEIRAS DO SAR, NO PASEO DE BERTAMIRÁNS.AQUÍ O PROFESORADO FOI O ENCARGADO DE COLOCAR NO PLANO DO PASEO O NOME DE 8 RÍOS. OS GRUPOS SAÍAN EN INTERVALOS DE 5 MINUTOS PARA TRATAR DE ENCONTRALOS, SEGUINDO O PLANO E A ORDE ESTABLECIDA CUN TEMPO DE 25 MINUTOS. FOI UNHA EXPERIENCIA MOI BEN VALORADA POLO ALUMNADO.
 

MANDELA 20 ANOS DO NOBEL DA PAZ

O  10 de decembro de 1993 MANDELA era recoñecido mundialmente co premio Nobel da Paz. Hoxe 20  anos despois milleiros de persoas asistiron  ao seu funeral no estadio de JOHANNESBURGO.

 Dende este pequechiño recuncho de Galicia queremos facerlle unha grande homenaxe a MADIVA, ICONO DA RECONCILIACIÓN, que perdurará SEMPRE.

Con versos da canción de

Nelson Mandela, sus dos amores de

(Pablo Milanés)                      SEMPRE!!!!

Nelson Mandela,
quiero decirte que no vengo a cantar
la parte triste de una canción
que nos haga llorar.

Nelson Mandela,
quiero pedirte que me dejes contar
la más hermosa historia de amor
que nos pueda llegar...

                

QUE REINE LA LIBERTAD. EL SOL NUNCA SE PONE EN TAN GLORIOSO LOGRO HUMANO"    ( NELSON MANDELA)

Nelson Mandela recolle nesta maxistral antoloxía os contos máis belos e antigos de África. É unha colección que ofrece un ramillete de entrañables relatos, pequenas mostras da valerosa esencia de África, que en moitos casos son tamén universais polo retrato que fan da humanidade, dos animais e dos seres fantásticos.«Está a lebre», observa Mandela no prólogo, «unha pilluela moi enxeñosa; a hiena, que é a perdedora de todas as historias; o león, o xefe dos animais e quen lles dá agasallos; a serpe, que inspira medo e á vez é o símbolo do poder sanador; hai tamén feitizos que poden carrexar a desgraza ou conceder a liberdade...». Todos os contos, ademais, están maravillosamente ilustrados en cor por 16 artistas africanos. RECOLLEMOS TAMÉN AS SEGUINTES  ENTRADAS  REFERIDAS A  NELSON MANDELA: BLOG SONRISA DE COLORES O LAR DE FRIANCIÑO BLOGESQUÍO

FALADOIROS NO MUÍÑO : A AUGA NOS TEMPOS DOS NOSOS AVOS

Cantas cousas teñen que contarnos os nosos avós!

 No programa da BIBLIOTECA ESCOLAR do centro temos un apartado ao que lle chamamos FALADOIROS NO MUÍÑO . A este proxecto están invitados todos os membros da Comunidade Educativa para que compartan as súas experiencias.

 Mª Teresa Testa Pérez, avoa dunha alumna de 4º de primaria tivo a ben compartir con todo o alumnado de 4º todo o seu saber sobre o tema : A AUGA NOS TEMPOS DOS AVOS

Apoiada por unha presentación en  Power Point  elaborada por ela mesma e cedida ao Centro para a súa publicación, explicoulle aos nenos como quentaban a auga,  que utensilios utilizaban para recollela, como lavaban e tendían a roupa, a importancia das fontes na época dos nosos avós... Os rapaces aprenderon un montón,escoitaron atentamente interesados polo tema e  fixeronlle moitas  preguntas. Vaia o noso agradecemento por compartir todo o seu saber

 Amosamos a presentación titulada : A AUGA NOS TEMPOS DOS AVÓS e visionamos dous videos de todo canto con ela aprendemos.

A AUGA NO TEMPO DOS AVÓS from xistina
 

LER, LER PARA SOÑAR (ANIMACIÓN Á LECTURA)

Tomando como base  o verso  LER LER PARA SOÑAR elaboramos dende todas as aulas do Centro uns carteis nos que o alumnado completaba o seguinte verso indicando o motivo polo que eles lían, ou mesmamente  animando a ler.

Neste video recóllense  os pareados de todo o alumnado. Agardamos que vos guste.

                      

DÍA INTENACIONAL CONTRA A VIOLENCIA DE XÉNERO

RECOMENDACIÓNS DE LECTURA      GUÍA DE LECTURA DE ROSA CARAMELO  O conto recomendado  é "ROSA CARAMELO". Un conto que nos chega ao corazón e que os nenos e nenas escoitan sen parpadear, un libro co que podemos traballar a coeducación e a igualdade de xéneros A súa autora Adela Turín publicou numerosos libros co obxectivo de combater a discriminación de xénero no ámbito familiar Illada nun xardín, Margarita é a única elefanta do grupo incapaz de conseguir que a súa pel sexa de cor rosa caramelo. Cando os seus proenitores desisten de impoñerlle ese aspecto, por fin descubrirá o significado da liberdade e abrirá o camiño da igualdade para as súas compañeiras.

                     

O LIBRO DOS PORCOS

                       

                         O libro dos porcos from bibliobeade

O señor Porcón vivía cos seus fillos, Miguel e Antón, nunha bonita casa... 

Dentro da casa estaba a súa muller.“Bule co almorzo, muller”. Berraba todas as mañás antes de marchar para o seu importantísimo traballo.“Bule co almorzo, mamá”...

Así un día e outro día, pero a señora Porcón fartouse de que sempre a trataran coma unha criada e decide marchar. Papá Porcón e os seus fillos terán daquela que facerse cargo de tódalas tarefas domésticas que
antaño tiñan resoltas: limpar,facer a comida, as camas, pasar o ferro…
Este conto da editorial Kalandraka fálanos da necesidade dunha educación baseada na igualdade e na cooperación e serviunos para establecer cos nenos un interesante diálogo sobre a importancia de axudar na casa e sobre si hai, ou non, traballos de homes e de mulleres...

                    
         
                           BIBLIO VÍCTOR SAENZ

UNA FELIZ CATÁSTROFE

Conto de Adela Turín que nos axuda a pensar sobre as desigualdades á hora de realizar a tarefas domésticas



                           

 ACTIVIDADES INTERACTIVAS FEITAS EN LIM PARA DESPOIS DA LECTURA 

ANIMACIÓN FLASH PARA TRABALLAR O CONTO

RIADA DE LIBROS NO SAMAÍN

CRETIVIDADE FANTÁSTICA DAS FAMILIAS PARA A CELEBRACIÓN DO SAMAÍN ESTE ANO ARREDOR DO TEMA: A AUGA E OS RÍOS.

PLÁSTICAMENTE SIMBOLIZARON ENTRE OUTROS TEMAS: A PESCA, O RÍO, A CONTAMINACIÓN DOS RÍOS, O CURSO DO RÍO SAR, A ANIMACIÓN LECTORA PESCANDO LIBROS PARA A SÚA LECTURA... EN NOME DO CLAUSTRO DE PROFESORES E DO EQUIPO DA BIBLIOTECA OS NOSOS PARABENS E POR SUPOSTO MILLEIROS DE GRAZAS.

AVISO: UN POUQIÑO DE PACIENCIA .CANDO CLIQUES NO PLAY TARDO UN CHISQUIÑO EN CARGAR, PERO PAGARÁ A PENA.