APRENDENDO A SER XORNALISTAS

 O alumnado do 2° ciclo tivo a sorte de poder escoitar a Eladio G. Lois, ex alumno do noso centro e xornalista coordinador do Diario de Compostela. Esta rapazada está elaborando un xornal na aula para a semana da prensa polo que Eladio resolveu todas as dúbidas de como facer un xornal ou en que consiste a profesión. Esta actividade será publicada no diario de Compostela. Mil grazas, Eladio por volver ó teu cole para colaborar con nós. 

Preme na imaxe

🗣 O responsable de Diario Compostela, @eladiolois, estivo este martes no @ceip_agromuino para compartir co alumnado o labor que se leva a cabo desde o xornal

👉 Ademais, coa idea de fomentar o interese polo xornalismo entre as novas xeracións, presentou a proposta dun concurso froito da colaboración co profesorado e a dirección do centro

1️⃣ Por grupos, o estudantado que participa na actividade enviará á nosa redacción unha nova relacionada coa actualidade compostelá.

2️⃣ O equipo de Diario Compostela elixirá a que mellor se adapte aos criterios xornalísticos que foron explicados polo coordinador do medio no faladoiro.

3️⃣ Despois de ser revisadas, publicaranse nesta mesma web firmadas polos estudantes gañadores.

📅 A nova gañadora publicarase o vindeiro 5 de marzo

🖊 Grazas polo convite, polo interese e por permitirnos coñecer a esa gran xeración de xornalistas que teremos nuns anos!

Preme na imaxe para ver a noticia

AQUÍ TES O RESULTADO DA NOTICIA GAÑADORA

Mañá comeza a popular Feira de Minerais de Área Central

DÍA DE ROSALÍA

 

O día 23 de febreiro, celebramos o "Día de Rosalía",  nacida en Santiago de Compostela (1837-1885), e que pasou os primeiros anos de vida aquí en Ortoño, coas súas tías.

É a escritora galega máis recoñecida a nivel mundial tanto pola súa poesía como polas súas novelas.

No noso centro, o luns 24 de febreiro, fixemos unha gala na súa honra !

Presentación de Canva deseñada por Iria e Candela.

Preme na imaxe

Nas aulas traballamos a figura desta gran escritora a través de diferentes actividades ...

Preme na imaxe

E ademais, pola tarde, o alumnado de 5º e 6º de E.P participou na "Gala de Rosalía" que organiza o Concello de Ames.

Nesta Gala participaron todos os centros educativos de Ames, a asociación cultural de Bugallido, Anxo Angueira, Uxía Senlle e Santi Cribeiro, Xabier Estévez,...

Foi unha Gala moi fermosa donde se homenaxeou por todo o alto a figura da nosa Rosalía de Castro.

Preme na imaxe

O alumnado polo Día de Rosalía de 5º e 6º Curso de E.P. presenta neste podcast a súa versión do poema "Adiós ríos, adiós fontes" o cal transformaron nunha muñeira.

PREME NA IMAXE

DÍA DE ROSALÍA, CANCIONEIRO POPULAR GALEGO

O alumnado polo Día de Rosalía de 5º e 6º Curso de E.P. presenta neste podcast a súa versión do poema "Adiós ríos, adiós fontes" o cal transformaron nunha muñeira.

FALADOIRO DO MUÍÑO 16

 FALADOIRO " O PEIXE GLOBO"

Os papás de Iván estiveron  na aula para facer un experimento sobre o peixe globo. Trouxéronnos a PUFI ( un peixe globo) e  contáronnos un conto no que este era o protagonista e onde se poñía en valor a importancia de compartir.  
Poidemos coñecer algunhas curiosidades deste peixe e  comprobar como se inflan  golpeando globos que contiñan unha mestura de bicarbonato e vinagre. 

Foi moi divertido!! 

Moitas grazas pola vosa colaboración.

Preme na imaxe

NOVA INSTALACIÓN DA RADIO AGROONDA

Coas obras de ampliación da biblioteca, agora  a nosa Radio Agroonda, sitúase nunha nova peixeira situada nun recanto da nosa biblio.

FALADOIRO DO MUÍÑO 15

 FALADOIRO : " A PESCA NOS RÍOS"

O día 14 de febreiro  tivemos un faladoiro co avó de Valentina, que nos contou unha morea de cousas sobre os ríos, a pesca neles, diferentes peixes dos ríos galegos,.....

Tamén nos falou dos variados tipos de embarcacións e os seus usos e  do ciclo da auga. Despois poidemos practicar a pesca con diferentes xogos que nos trouxo. 

Moitas grazas pola túa colaboración.

Preme na imaxe

Retos do MODO GALEGO ACTÍVAO!

 Aquí quedan recollidos algúns dos retos plantexados dende 

e que recolleu o noso Equipo de Dinamización da Lingua Galega.

Estes retos, en concreto, están relacionados coa expresión escrita e oral en Galego.

RETO 7:  Por moitas voltas que dea o mundo, a nosa lingua non se traba, por iso fomos quen de crear unha chea de trabalinguas ben xeitosos cos que podemos exercitar a lingua e botar unhas risas.

O reto de hoxe foi  traer aprendido un trabalinguas e compartilo co resto da aula. Tamén se podían traer as máis orixinais e divertidas adiviñas.

RETO 7: ENLACE AQUÍ

RETO 8: A xente da Real Academia Galega sempre anda na procura de palabras novas para agrandar o noso dicionario. Axudámoslles? O reto de hoxe foi  inventar unha definición divertida para unha palabra que xa existe ou inventar palabras novas graciosas.

RETO 8: ENLACE AQUÍ

RETO 15:

Este si,é o último reto que se nos  propón.

O reto consistiu en poñer as frases motivadoras ou lemas elixidos  nuns soportes ben  chulos! E todas e todos fachendeando co noso lema ou coa nosa frase.

Aquí podedes ver esa creatividade amesá !!

RETO 15: ENLACE AQUÍ

Aqui neste vídeo, tamén atoparedes outras frases e lemas

Preme na imaxe

FALADOIRO DO MUÍÑO 14

 A familia de Lara Pardo, realizou o faladoiro “O mundo da pesca: barcos e especies mariñas”, na aula de 6º C.

Moitas grazas pola vosa colaboración.

Preme na imaxe

FALADOIRO DO MUÍÑO 13

 Vanesa, a nai de Emma Regueiro, realizou o faladoiro" Aparatos do corpo humano", na aula de 4º A.

Moitas grazas pola túa colaboración.

Preme na imaxe

FALADOIRO DO MUÍÑO 12

 FALADOIRO: "UN BARCO DE PESCA"

Óscar, o avó de Alejandra, veu á clase a contarnos como é un barco de pesca por dentro. Que sorte tivemos! Ensinounos moitísimas fotos do interior do barco e tamén vídeos do proceso de pesca de gambas e merluzas,... como os clasifican, empaquetan e conxelan en alta mar. 

Ademais, como estivo na Patagonia, puido ver de cerca pingüíns e leóns mariños. Contounos moitas cousas dos seus costumes: a onde van aniñar, como se emparellan, etc.

Moitas grazas pola túa colaboración.

Preme na imaxe

MODO GALEGO ACTÍVAO!

 

Hoxe, día 16 de xaneiro, tivo lugar o acto de presentación da nova edición  do proxecto "Modo galego, actívao! " no C.E.I.P "A Maía" 

Ao acto asistiron o presidente da RAG, Víctor F. Freixanes; o alcalde e concelleiro de Normalización Lingüística de Ames, Blas García; a concelleira de Planificación e Xestión Educativa, Carmen Porto; a técnica do Servizo de Normalización Lingüística de Ames, Rosa Moreiras; a directora do CEIP A Maía, Isabel Abelleira; o lingüísta Henrique Monteagudo e  representantes dos equipos directivos e de dinamización e normalización lingüística dos centros de ensino, así como das ANPAS e do alumnado.

Con este proxecto impulsado pola Real Academia Galega e o Concello de Ames preténdese impulsar a inmersión lingüística durante 21 días é dicir, falar galego o máximo posible con todo o mundo e en todos os contextos da vida cotiá, dentro e fóra das aulas, xogando e conversando coas amizades, nas tendas, nas actividades extraescolares, etc.

ACTIVEMOS O MODO GALEGO !

ANO DE CASTELAO

 A Xunta de galicia declarou 2025 como "Ano de Castelao" en homenaxe a Alfonso Daniel Rodríguez Castelao, a gran figura intelectual, política e histórica do nacionalismo antifascista galego, por cumplirse 75 anos da súa morte este 7 de xaneiro.

O alumnado de 6º de E.P fixo esta fermosa exposición titulada 

"Palabras de Castelao":