MANUEL GAGO "DEUSES AGOCHADOS NA GALLAECIA"

O DÍA 23 DE ABRIL TIVEMOS A GRAN SORTE DE CONTAR NO NOSO CENTRO CON MANUEL GAGO 

DIRIXEUSE AO ALUMNADO DE 3º,5º E 6º DE ED. PRIMARIA QUE ESTABAN TOTALMENTE ABRAIADOS CO QUE LLES CONTABA.

O TÍTULO DA CONFERENCIA "DEUSES AGOCHADOS NA GALLAECIA" LEMBROUNOS A EXISTENCIA DE DEUSES ESQUECIDOS: REUE, BRANDUA, COSSUE, POEMANA...

MANUEL DICIALLE AOS NENOS/AS QUE COÑECÍAN DEUSES COMO ZEUS OU THOR, PERO DESCOÑECÍAN OS DEUSES CASTREXOS. COMENTOULLE QUE OS DEUSES SEGUÍAN AGOCHADOS ENTRE NOS.

FIXO UNHA  PEQUENA PRESENTACIÓN DO SEU LIBRO VENTO E CHUVIA. MITOLOXÍA DA ANTIGA GALLAECIA NO QUE COBRAN VIDA  OS DEUSES QUE POBOARON OS MITOS DA ANTIGA GALLAECIA.

FALOUNOS DOS CASTROS,  DOS SEUS HABITANTES, DAS HISTORIAS QUE ALÍ FORON CONTADAS FAI MÁIS DE 2000 ANOS E TRANSMITIDAS DE XENERACIÓN EN XENERACIÓN, DOS MOUROS E MOURAS E DO TRABALLO QUE LEVAN A CABO OS ARQUEÓLOGOS.

CONTOUNOS DO PEDRÓN ( ARA ROMANA ADICADA E NEPTUNO)  QUE SE PODE VISITAR NA IGREXA DE SANTIAGO EN PADRÓN E DA LENDA DA RAÍÑA LUPA E O CASTRO LUPARIO.

FINALMENTE ANIMOUNOS A REALIZAR A VISITA AO CASTRO LUPARIO XA QUE ESTÁ MOI CERQUIÑA DO NOSO CENTRO.

FOI PARA TODOS UN AUTÉNTICO PRACER ESCOITALO.

O NOSO AGRADECEMENTO A AMPA DO C.E.I.P. AGRO DO MUÍÑO QUE O FIXO POSIBLE.

AMOSAMOS UN PEQUENO VÍDEO

ENCONTRO CON ALICIA BORRÁS

O 4 DE ABRIL ALICIA BORRÁS DEIXOUNOS EN AGRO DO MUÍÑO O DOCE SABOR DE NATA E CHOCOLATE.

AO IGUAL QUE OS SEUS LIBROS GUSTOUNOS A EMPATÍA QUE TRANSMITE A AUTORA, COMO ABORDA A AUTOESTIMA, O COMPAÑEIRISMO A HUMANIDADE E A EVOLUCIÓN DE PERSOAS E PERSONAXES.

FOI UNHA ESTUPENDA XORNADA PARA COMPARTIR.

EN ABRIL, VERSOS NATURAIS

A PROPOSTA DO  EQUIPO DE  VOZ NATURA,  CADA AULA BUSCOU  POEMAS  RELACIONADOS  CON ELEMENTOS DA  NATUREZA (ÁRBORES, FLORES, CHOIVA, LÚA ...)  .  UNHA VEZ SELECCIONADO TRABALLOUSE NA AULA E POSTERIORMENTE ESCRIBEUSE UNHA ESTROFA NUNHA LOUSA  PARA ACOMPAÑAR AS FLORES, PLANTAS E ARBUSTOS  QUE FORON PLANTADAS POLO ALUMNADO  NO PATIO ESCOLAR .

 CON MÚSICA DE MALVELA A GOTIÑA DÁUGA, DEIXÁMOSVOS UN VÍDEO CON   VERSOS DOS  POEMAS RECOLLIDOS.

AGARDAMOS QUE VOS GUSTE.

VISITA LIBRARÍA COUCEIRO

NOS ACTOS PREVISTOS PARA CONMEMORAR O MES DO LIBRO,  OS CURSOS DE 1º,2º,3º E 5º DE ED PRIMARIA VISITAMOS A LIBRARÍA COUCEIRO.

MARÍA, EXPLICOUNOS A DIFERENZA ENTRE A LIBRARÍA E A BIBLIOTECA E FALOUNOS DOS FONDOS QUE SE PODÍAN ADQUIRIR NUNHA LIBRARÍA.

PUXÉMONOS MOI CONTENTOS CANDO NOS DIXERON QUE PODIAMOS MIRAR NAS ESTANTERÍAS E COLLER O LIBRO QUE MÁIS NOS GUSTARA PARA PODER LELO ALÍ.

ALGÚNS DESCUBRIMOS LIBROS NOVOS QUE NOS GUSTARON MOITO.

DESPOIS DE PASAR MEDIA HORA DE ENTRETIDA LECTURA, MARÍA LEVOUNOS Á PARTE DE ARRIBA DA LIBRARÍA.

ALÍ EXPLICOUNOS QUE OS LIBROS QUE ESTABAMOS VENDO ERAN MOI ANTIGOS E MOITOS TIÑAN MOITO VALOR.

CONTOUNOS QUE REPARABAN LIBROS QUE O PASO DO TEMPO DEIXARA DANADOS. ENSINOUNOS A TÉCNICA DE COSIDO QUE USABAN E TAMÉN COMO OS ENCADERNABAN NOVAMENTE UTILIZANDO PEL. O TÍTULO E OS ADORNOS FACIANOS CON PAPEL DOURADO PARA DEIXALOS OUTRA VEZ COMO NOVOS.

A VISITA GUSTOUNOS MOITO E APRENDEMOS MOITAS COUSAS NOVAS.

A COMUNIDADE EDUCATIVA DO C.E.I.P. AGRO DO MUÍÑO DÁMOSLLE AS GRAZAS Á LIBRARÍA COUCEIRO POR TAN BOA ACOLLIDA.

LEDICIA COSTAS E A SEÑORITA BUBBLE

VISITA DE LEDICIA COSTAS 

O 26 de febreiro do 2019 os cursos de 5ºA, B e C recibiron a visita da escritora Ledicia Costas, autora do libro “A señorita Bubble”. 

CARTEL ELABORADO POLO ALUMNADO DE 5º DE ED. PRIMARIA

Logo de facer unha pequena presentación, onde expuxo a súa traxectoria, a autora adicouse a ir respostando a decenas de preguntas que lle fixeron as nenas e nenos, quenes tiñan moita curiosidade por saber como creou a historia, canto tempo lle levou, en que se inspirou para facer as personaxes, e  incluso se habería ou non a segunda parte. Alégranos saber que a historia continuará e estaremos atentas e atentos á súa publicación para continuar sabendo das peripecias e aventuras das protagonistas. 

Ao rematar a charla, algunhas tiveron a sorte de levar a firma da propia autora nos seus exemplares. 

Para recibir a Ledicia Costas como merecía a ocasión, o alumnado elaborou un cartel de benvida onde se expuseron algunhas das opinións sobre o libro

MURIEL E MARÍA CANOSA NA BIBLIOTECA

OS ALUMNOS/AS DE 4º DE ED. PRIMARIA RECIBIMOS Á ESCRITORA MARÍA CANOSA O XOVES 14 DE MARZO DE 2019.

 A AUTORA ESTIVO CON NÓS, POR SEGUNDO ANO,CONTÁNDONOS COMO FORA A EXPERIENCIA DE GAÑAR O PREMIO MERLÍN POLA SÚA OBRA MURIEL.

DIVERTÍMONOS MOITO ESCOITANDO AS SÚAS ANÉCDOTAS E APRENDEMOS CANDO COMPARTIU CON NÓS O DESAFÍO QUE LLE SUPÓN ESCRIBIR UN LIBRO.

   FOI UN PRACER RECIBILA NO CENTRO.

EU NON QUERO SER A PRINCESA DO TEU CONTO - MULLER 2019

O ALUMNADO DE 3º DE ED. PRIMARIA FOI O ENCARGADO DE ELABORAR O MURAL PARA CONMEMORAR O DÍA DA MULLER. 

COMO ESTE ANO O PROXECTO DO CENTRO E SOBRE OS CONTOS O QUE INTENTAMOS FACER FOI CAMBIAR O ROL DOS PERSONAXES FEMININOS QUE APARECEN EN MOITOS DOS CONTOS CLÁSICOS COMO A CINCENTA, CARAPUCHIÑA, RAPUNZEL, A RATIÑA PRESUMIDA, A SEREÍÑA ETC . PARA ELO TRABALLAMOS PREVIAMENTE COMO RECURSO NA AULA O CONTO A CINCENTA QUE NON QUERÍA COMER PERDICES. 

LOGO O ALUMNADO FOI O ENCARGADO DE ELABORAR AS ILUSTRACIÓNS E OS TEXTOS DÁNDOLLE UN NOVO ROL A MOITOS DOS PERSONAXES DOS CONTOS FEMININOS. 

 TAMÉN TRABALLAMOS AS ESCRITORAS E POETAS AO LONGO DO TEMPO CENTRÁNDONOS MOITO NAS ACTUAIS. PREVIAMENTE O ALUMNADO VISITOU A BIBLIOTECA ESCOLAR PARA TOMAR NOTA DAS ESCRITORAS AUTORAS DE CONTOS, NOVELAS E POESÍAS. LOGO OS NOMES FORON RECOLLIDOS EN SOPORTE DE FOLLAS PARA DARLLE VIDA Á ÁRBORE DAS ESCRITORAS.

 O ALUMNADO DE 5º TRABALLOU COA PROFESORA DE ED. FÍSICA A EXPRESIÓN CORPORAL, ROMPENDO ESTEREOTIPOS DE XÉNERO EXISTENTES TAMÉN NOS CONTOS E NA LITERATURA. SE QUEREDES PODEDES VISIONALO NESTE VÍDEO, CON MÚSICA DE SÉS

UN ENTROIDO DE CONTO

E...COMO NON CELEBRAMOS UN ENTROIDO DE CONTO.

CARAPUCHIÑA, OS TRES PORQUIÑOS, O REI LEÓN, 101 DALMATAS, SOLDADIÑOS E BAILARINAS E MOITOS MÁIS PERSONAXES DE CONTOS DESFILARON E FIXERON DIFERENTES ACTUACIÓNS PARA CELEBRAR O ENTROIDO. ESTA ACTIVIDADE FOI DE PORTAS ABERTAS, ASISTINDO UN GRAN NÚMERO DE PAIS E NAIS.

APROVEITAMOS NOVAMENTE PARA AGRADECER AOS PAIS E NAIS DO NOSO ALUMNADO A SÚA COLABORACIÓN.

NOVAS EXPOSICIÓN BIBLIOGRÁFICAS

XA TEMOS AS NOVAS EXPOSICIÓNS BIBLIOGRÁFICAS NOS CORREDORES DO CENTRO.

UNHA É SOBRE AS NOVIDADES PARA TRABALLAR NO PROXECTO DE CENTRO

ENTRE CONTOS ANDA O CONTO

OUTRA É MOI ESPERADA POLO ALUMNADO XA QUE SON OS LIBROS SUXERIDOS POR ELES/AS NA CAIXA DE SUXESTIÓNS HABILITADA PARA TAL FIN.

XA SABEDES QUE PODEDES MIRALOS, PERO NON LEVALOS PARA A CASA MENTRES DURA A EXPOSICIÓN.

SEMPRE ROSALÍA

EN COLABORACIÓN CO EQUIPO DE DINAMIZACIÓN DA LINGUA GALEGA TRABALLAMOS DURANTE UNHA SEMANA A ROSALÍA DE CASTRO.

UNÍMONOS Á PROPOSTA DA ASOCIACIÓN DE ESCRITORAS E ESCRITORES EN LINGUA GALEGA COA PUBLICACIÓN DO MANIFESTO LIBRE O MEU PENSAMENTO DE ANA ROMANÍ

EN COLABORACIÓN CO CONCELLO DE AMES E OUTROS CENTROS DE ENSINO DA COMARCA UNÍMONOS Á PROPOSTA ROSALÍA TAMÉN VIVE AQUÍ. 

ESCRIBIMOS E ILUSTRAMOS POEMAS DE ROSALÍA  E PARA DARLLE VISIBILIDADE, COLOCÁRONSE  EN TODAS AS FIESTRAS E PORTAS DAS CASAS DO NOSO ALUMNADO.

PARTICIPAMOS NOS ACTOS DE CELEBRACIÓN DO DÍA DE ROSALÍA DO CONCELLO DE AMES CO RECITADO E MUSICADO DE VARIOS POEMAS.

ENLACE:

AMES CELEBROU O DÍA DE ROSALÍA CUNHA GALA POÉTICA-MUSICAL NA QUE SE ENSALZOU O LEGADO DA POETA GALEGA

OS BOLECHAS E A XESTIÓN DE R.A.E.E.

OBRADOIRO DE XESTIÓN DE RESIDUOS ELÉCTRICOS E ELECTRÓNICOS  PARA O

 ALUMNADO DE 3º DE ED. PRIMARIA

TEXTO DE SARA, ALUMNA DE 3º DE ED. PRIMARIA,  ELABORADO PARA O BLOG   LOGO DO OBRADOIRO

OS ELECTRECOS DOS BOLECHAS

 OS NENOS E NENAS DE 3º DE ED. PRIMARIA FOMOS Á BIBLIOTECA O DÍA 17 DE XANEIRO PARA FACER UNHA ACTIVIDADE SOBRE RECICLAXE.

 AO CHEGAR Á BIBLIOTECA ESPERÁBANOS UN CIENTÍFICO DE NOME ATOMILLO. 

cON ATOMILLO FIXEMOS MOITAS COUSAS: PRIMEIRO EXPLICOUNOS O QUE SIGNIFICABA R.A.E.E. E SIGNIFICABA RESIDUOS DE APARELLOS ELÉCTRICOS E ELECTRÓNICOS, LOGO VIMOS UN VÍDEO DOS BOLECHAS, NO QUE FACÍAN UN CONCURSO SOBRE XESTIÓN DOS RESIDUOS DOS APARELLOS ELÉCTRICOS E ELECTRÓNICOS EW FINALMENTE FIXEMOS UN RAP.

 CANDO MARCHABAMOS DÉRONNOS: UN CADERNO DE ACTIVIDADES, DOUS CONTOS, UNHA PEGATICA E UN CARNET DE ELECTRECOS PARA QUE LLE ENSINARAMOS AOS DEMAIS NENOS/AS O QUE APRENDERAMOS.

 CON ESTA ACTIVIDADE APRENDÍN E DIVERTINME MOITO.

   SE QUERES MIRA O VÍDEO DA ACTIVIDADE, AO FINAL PODES ESCOITAR O RAP

RECONSTRUÍNDO CONTOS (DÍA DA PAZ 2019)

É MOI IMPORTANTE A CELEBRACIÓN DE CONMEMORACIÓNS COMO A DO DÍA DA PAZ DENTRO DO SEO DA COMUNIDADE EDUCATIVA.

CONCIENCIAR AO ALUMNADO SOBRE A IMPORTANCIÁ DE CREAR CARREIROS QUE PERMITAN CONVIVIR EN HARMONÍA  APRENDENDENDO A XESTIONAR OS SEUS PROPIOS CONFLICTOS,  INTENTAR RESOLVELOS POLA VÍA PACÍFICA E DA TOLERANCIA  E TAREFA PRIMORDIAL PARA CREAR UN BO CLIMA DE CONVIVENCIA NO ESPAZO ESCOLAR .

FORON MOITAS AS ACTIVIDADES LEVADAS A CABO NO NOSO CENTRO:

- REALIZACIÓN DE MURAIS POR PARTE DO ALUMNADO NAS DIFERENTES TITORÍAS.

- PRESENTACIÓNS EN POWER POINT POR PARTE DO ALUMNADO DE 6º SOBRE A PAZ E SOBRE O TEMA NÚCLEO DESTE ANO NO CENTRO:  O CONTOS.

-RECONSTRUÍNDO CONTOS TRABALLANDO  DIFERENTES ESTEREOTIPOS.

-TRABALLO DO ALUMNADO DE CANCIÓNS RELACIONADAS CON ESTA TEMÁTICA.

AMOSAMOS UN VÍDEO NO QUE SE RECOLLEN UNHA PEQUENA MOSTRAS DAS ACTIVIDADESW  RELACIONADAS ANTERIORMENTE

PARABÉNS PARA O ALUMNADO E PROFESORADO .