DECORACIÓN DO NOSO CENTRO

A medida que avanzaba o curso, o noso cole foi mergullándose de vida mariña tanto nos corredores, aulas e portas.

Preme na imaxe para comprobalo 

ESPECTÁCULO: SEN PATRÓN

No mundo dos malabares todo segue un patrón, unha orde, un ciclo completo que garante que as bólas non caian, que as mazas tracen o seu camiño no aire e que os diábolos xiren sen fin. En SEN PATRÓN non hai quen mande, só mans que compiten e obxectos que voan.

Que ben o pasou hoxe a nosa rapazada vendo o espectáculo de malabares SEN PATRÓN. Grazas Pablo, Marta, Aitor, Santi e Petete por facer a vosa estrea "mundial" no noso cole!

Grazas especialmente a Marta e Pablo, os papás de Onda.

Grazas sempre ás familias pola súas aportacións e colaboración co centro.

Día MUNDIAL DA POESÍA

 

O día 21 de marzo, coincidindo co equinocio da primavera no hemisferio norte, conmemoramos o Día Mundial da poesía simbolizando así a renovación e o florecemento da cultura e da lingua a través da poesía.

O alumnado de 3º de E.P coa axuda da súa mestra de E.Física , crearon poemas sobre o mar e interpretáronnos con percusión e movemento.

E o alumnado de 6º de E.P fixo unha fermosa regueifa sobre o mundo mariño "AMARAMAR", a cal impulsa a improvisación oral en verso en lingua galega e amplía aptitudes retóricas . Con esta regueifa participarán no VIII edición do certame "Enregueífate".

FALADOIRO DO MUÍÑO 18

 FALADOIRO: "PESCA E MOVEMENTO"

Continuamos cos Faladoiros e esta vez tivemos a sorte de contar con toda a familia de NORA.  Sí, o seu irmán que ten 3 mesiños tamén.

Trouxéronnos un xogo de pesca para levar a cabo por equipos, cada un tiña asignado unha cor e tiña que pescar as tarxetas correspondentes a dita cor que á súa vez se correspondían cunha temática diferente: profesións, deportes, cousas da praia ou animais mariños.

Unha vez formados os equipos puxémonos mans á obra e por quendas tivemos que ir pescando ata conseguir as oito tarxetas correspondentes á cada cor.

Todos os equipos conseguimos o reto e  de premio conseguimos un carné de pescador.

Grazas pola vosa colaboración.

Preme na imaxe

SEMANA DA PRENSA NA ESCOLA

 Do 10 ao 14 de marzo celebramos a "Semana da prensa na escola".

O alumnado de 3º e 4º de E.Primaria editou o xornal da nosa escola "O FARO DE AGRO" cunha edición especial onde se recollen moitas novas, entrevistas , pasatempos, horóscopo... foi todo un éxito! 

Preme na imaxe

Aquí podedes ver algunhas das actividades que se levaron a cabo cos xornais...

Biblioteca Creativa: Oceános e fauna mariña

 O alumnado de 5 anos de Educación Infantil asistiu a unha charla divulgativa sobre a fauna mariña e o alumnado de 1º de Primaria asistiu a uns obradoiros manipulativos con varios ámbitos de temática do océano, dentro do programa Biblioteca Creativa e relacionado co noso PDI deste curso. Clasificaron, investigaron, observaron...Xa sabes: Mergúllate no Agro!

preme na imaxe

VACACIÓNS EN PAZ

 Vacacións en Paz é un programa solidario para a acollida de nenos e nenas Saharahuis. Interesante charla de @sogaps_sahara para explicarle ó noso alumnado como viven nos campamentos Saharahuis. Bonita reflexión para valorar o que a nosa rapazada pode desfrutar no día a día. Grazas ás familias pola aportación económica.

ESCOLA DE FAMILIAS: EDUCAR NO DIÁLOGO

 Escola de familias. Non vos esquenzades de asistir. O tema é moi interesante e necesario. Será no Foro do centro. De 16.30 a 18.30.

E este foi o resultado

8 DE MARZO 2025

 

O luns 10 de marzo,  commemoramos o Día Internacional da Muller que este ano dedicamos ás mulleres do mar: mariscadoras, mariñeiras, percebeiras, redeiras... e ,en especial a nosa oceanógrafa, de recoñecemento mundial, Ángeles Alvariño.

As alumnas de 6º E.primaria recitaron uns poemas que elas mesmas escribiron sobre as mulleres do mar e o alumnado de 5º E.Primaria elaborou o mural "Un mar de igualdade". Contamos coa actuación de Olga Kirk e Pablo Díaz que nos financiou o Concello e, para finalizar o acto, fixemos entre tod@s unha "Onda pola igualdade" coas pañoletas  violetas que nos agasallou a ANPA .

PREME NA IMAXE

PREME NA IMAXE

POEMAS: MULLERES DO MAR

 Afouteza, coraxe, valor, ousadía, valentía...A nosa homenaxe no Día Internacional da muller.

As alumnas de 6º de Ed. Primaria recitaron uns poemas que elas mesmas escribiron sobre as mulleres do mar e o alumando de 5º  de Ed. Primaria elaborou o mural "Un mar de igualdade"

Preme na imaxe

CARMEN LIÑARES, UNHA CANTAREIRA AUTÉNTICA DAS DE ANTES.

 Na semana da Muller tivemos unha cantareira auténtica das de antes. Carmen L., que vai facer 80 anos, tocou e cantou para o alumnado de 4° de Primaria e estes non dubidaron en poñerse a bailar. Tamén a acompañou o seu marido Manuel e o seu neto Xián.

Como eran as foliadas antes? Onde se facían? Cando se facían? Quen bailaba? Quen che ensinou a tocar? Ligábase nas foliadas?
Estas foron moitas das preguntas que o alumnado de 4° lles fixeron a Carmen e Manuel, ambos naturais do Concello da Baña. Tamén entrevistaron á cantareira na radio da biblio. Grazas polas filloas da pedra e os caramelos. Eles quedaron abraiados co agarimosa que é a nosa rapazada de Agro. E coa canteira de artistas que temos!

Preme na imaxe

ENTREVISTA A CARMEN LIÑARES (Cantareira e pandeireteira)

Na Semana da Muller tivemos unha cantareira auténtica das de antes, Carmen Liñares. Aproveitando o faladoiro co que nos agasallou o alumnado de 4º curso entrevistouna na nosa radio. Aquí tendes a entrevista completa.

Preme a imaxe para ver como foi o faladoiro que fixo bailar a todo o alumnado na biblioteca.

A contaminación mariña

As alumnas e alumnos de 4ºC elaboramos este podcast para concienciar sobre o problema da contaminación mariña. Actividade que fixemos na asignatura Proxecto Competencial.

O cine en Agroonda

As alumnas e alumnos de 4ºC elaboramos este podcast sobre cine e películas que máis nos gustan. Actividade que fixemos na asignatura Proxecto Competencial.