O alumnado de 4º de Educación Primaria participou nunha andaina moi especial na que o deporte, a lectura e as tradicións galegas se deron a man.
Durante o percorrido, fixemos unha parada no parque do Santo Arandel, onde, despois de repoñer forzas coa merenda, gozamos dunha actividade de lectura compartida.
A través de dúas lendas, descubrimos a historia da romaría do Santo Arandel e a súa relación co Castro Lupario, coñecendo como a tradición popular vincula a figura de San Andrés cunha pedra procedente do castro que apareceu xunto a un lavadoiro da aldea de Beca.
As lecturas, realizadas en galego, permitíronnos descubrir novas palabras, compartir impresións e achegarnos á riqueza das historias e tradicións da nosa contorna.
Unha experiencia que encaixa á perfección co noso PDI “O Muíño encantado: seres mitolóxicos e lendas”, demostrando que as lendas tamén se poden descubrir camiñando!
Porque cada recuncho da nosa terra agocha unha historia que merece ser contada!
PREME NA IMAXE
