O 11 de febreiro, coincidindo co Día Internacional da Muller e da Nena na Ciencia, a cativada de 6º de Infantil participou no obradoiro “Pequenos científicos”, organizado polo Concello de Ames.
Nesta actividade achegámonos á figura de Marie Curie, coñecemos os seus descubrimentos sobre a radioactividade e experimentamos coa luz e as cores a través de pinturas fluorescentes.
Unha mañá chea de curiosidade, aprendizaxe e admiración polas mulleres científicas.
Anímate a ver o vídeo e descubrir todo o que fixemos.
