Biblioteca escolar Ceip Agro do Muíño
Onte tivemos a entrega dos agasallos dos gañadores e gañadoras do "Concurso de Postais de Nadal". Asistiron dous representantes da ANPA, a coordinadora do equipo de Dinamización da Lingua Galega, o coordinador da biblioteca e a directora do centro.
Esperamos que vos gustasen!!!
preme na imaxe
XA CHEGARON AS RECOMENDACIÓNS DE LECTURA PARA ESTE NADAL!!!
Neste documento deixámosvos as nosas recomendacións para os diferentes niveis que dende os equipos de Bibliotecas Escolares dos centros públicos de Ames eleboramos.
Pretenden ser unha recomendación de libros que nos parecen interesantes!!!
PREME NA IMAXE
Nesta ocasión, a nai de Micaela, de 4º B, contounos un Conto de Nadal.
Moitas grazas pola túa colaboración.
preme na imaxe
Nesta entrevista, a nai de Tiago e Olalla, de 4º B, comentounos moitísimas experiencias a bordo dun avión. Falou das súas viaxes a Exipto, Sudáfrica (Mundial 2010), EE.UU... Resultou moi interesante.
Moitas grazas pola túa colaboración!!!
preme na imaxe
Nesta ocasión, a nai de Candela, 4º B, contounos a súa viaxe por Bali.
Moitas grazas por compartir!!!!
preme na imaxe
Nesta ocasión, viñeron Noa e Juan, pais de Alma e Clara, de 5 anos A, a facernos varios experimentos: maicena alucinante, choiva e neve! Foi estupendo!!
preme na imaxe
Para complementar as accións desenvolvidas nesta semana e adicadas o 25 N, e igual que outros anos, o alumnado, de xeito voluntario, virá vestido de cor negra ou violeta e fotografiarémonos diante dun photocall: un mural resultado do traballo colectivo de todas/os. Farémonos unha foto coas lentes violetas para, como di a artista á que queremos homenaxear, non “ser cómplices do medo”.
ESTE FOI O RESULTADO!!! PREME NA IMAXE
preme na imaxe
Ao longo da semana do 21 ao 25 de novembro no CEIP Agro do Muíño conmemoramos o Día Internacional da Eliminación da Violencia contra a Muller. A partires da canción “Pícanme os ollos” da artista Guadi Galego xunto a DePedro, fíxose unha reflexión sobre a violencia exercida contra as mulleres, pero tamén contra as nenas e os nenos, Isto foi posible a partir do visionado de curtas e lectura de contos, afondando nos estereotipos que a sociedade transmite ás crianzas en base ao xénero e como isto acaba desembocando nunha desigualdade de dereitos e oportunidades que sofren as mulleres. Como produto final, e en relación ao proxecto de centro deste curso, elaboramos un podcast onde cada aula gravou a frase “Pícanme os ollos” nos distintos idiomas dos países que se están a traballar. Deste modo reanudamos a actividade da radio e non se nos ocorre mellor xeito de facelo que lanzando unha mensaxe ao mundo: “Que o teu machismo non se converta no meu problema”. (ao fío da campaña do Concello de Ames, xogando coas palabras do lema e dándolles a volta).
PREME NA IMAXE
Ao longo desta semana estamos a traballar sobre o tema do
Día Internacional contra a violencia cara as mulleres.
O equipo de biblioteca eleborou unha exposición de materiais.
Chegou o DÍA DO PIXAMA!!!
Para celebralo, nos sumamos á iniciativa de ACOUGO: NENAS, NENOS E ADOLESCENTES do Sistema de Protección!
Polo seu dereito a
medrar en familia, ás súas orixes e todos os dereitos que teñen recoñecidos, e
que non sempre son respectados.
Ir en pixama ao cole quere representar ese momento que se vive ao ir para cama, cando se arroupan, se conta un contiño e falamos de como foi o día. Moitos nenxs que non poden vivir coa súa familia, precisan familias para poder vivir estes momentos como xs demais.
Porque aínda que nos
centros residenciais os coidan moi ben, non viven en familia... E como sabemos,
vivir en familia é un dereito!!!
Ademais, o alumnado de 3º e 4º de Primaria, tiveron unha charla por unha representante da Asociaicón de Acougo. Moitas grazas por compartir a vosa labor!!!
PREME NA IMAXE PARA VERNOS EN PIXAMA
Aquí temos as portdas dos libros que os equipos docentes xunto co equipo de biblioteca, seleccionaron para este curso!!!
Esta semana é unha das mais importantes do ano, a piques de chegar o día no que celebramos os Dereitos da Infancia e Adolescencia!
O 20 de novembro!!!
Mañá día 18, para celebralo, tamén nos sumamos á
iniciativa de ACOUGO:
NENAS, NENOS E ADOLESCENTES do Sistema de
Protección!
Polo seu dereito a medrar en familia, ás
súas orixes e todos os dereitos que teñen recoñecidos, e que non sempre son
respectados.
Ir en pixama ao cole quere
representar ese momento que se vive ao ir para cama, cando se arroupan, se
conta un contiño e falamos de como foi o día. Moitos nenxs que non poden
vivir coa súa familia, precisan familias para poder vivir estes momentos como
xs demais.
Porque aínda que nos centros residenciais
os coidan moi ben, non viven en familia... E como sabemos, vivir en familia é
un dereito!!!
Hoxe reinaguramos de novo a actividade
"FALADOIROS NO MUÍÑO".
Neste FALADOIRO Nº 1:
APRENDENDO CIENCIA CON IRENE
Neste mes da Ciencia en Galego, o alumnado de 6º de Ed. Infantil, realizaron o experimento "Carreira de cores", para explicar a capilaridade e viron varios seres vivos como un cabaliño do demo, un sapo, polilla de calavera, un escorpión, unha abella, a camisa dunha serpe, varios niños de paxaros e o cráneo dunha ave mariña.
Moitas grazas a Irene pola súa colaboración!!!
preme na imaxe
O Parlamento de Galicia acolleu este mediodía a décima edición do foro infantil organizado coa colaboración de Unicef, contemplado expresamente no Pacto Galego pola Infancia rubricado polos grupos que integran a Cámara autonómica. En dito foro participaron nenas e nenos do Consello sectorial de Ames xunto con representantes dos consellos locais de participación infantil e adolescente de Moeche, Teo, Viveiro, Moaña, Ponteareas, Tomiño, Redondela, Nigrán, Castrelo de Miño, Cabanas e Burela. Xunto ás nenas e nenos de Ames acudiron a concelleira de Benestar Social, Luísa Feijóo, e mailo técnico da Oficina de Voluntariado de Ames, Rubén Ramos. A saúde mental e a non discriminación das nenas e nenos foi un dos aspectos abordados polos consellos locais de participación infantil e adolescente.
En representación do Consello sectorial de Ames a voceira foi Xiana Pousa Pazos. Xunto á Xiana estiveron sentadas/os no escanos do Parlamento de Galicia do noso centro: Antón Oliveira Varela, , mentres que de público asistiron Helena Guillén Gil e Nerea Brión Arufe.
Propostas das nenas e nenos de Ames
Tamén solicitou loitar contra aqueles modelos de comportamento que, trasladados dende diferentes medios de comunicación, amosan exemplos de irresponsabilidade e falta de respecto cara outras persoas, con modos de participar erróneos, termos malsoantes, e outros xestos incorrectos que as persoas poden acoller como modelo e chocan contra o interese das nenas e nenos do FoPIA de construír unha sociedade máis empática, respectuosa, e educada; e seguir apostando pola programación de actividades para a poboación infantil e adolescente de Ames.
Por último, propuxo crear un espazo para nós, para socializar e realizar outras actividades que nós solicitemos, como por exemplo charlas que nos interesen, ou outras; e que as nenas, nenos e adolescentes teñamos acceso en Ames a unha persoa psicóloga que nos axude a coidar a nosa saúde mental. Ademais, que esa persoa psicóloga sexa accesible a toda a infancia e adolescencia independentemente da condición de cada familia coidadora ou persoa.
A presidenta de Unicef Comité Galicia, Myriam Garabito, destacou da intervención de Xiana a mención que fixo ás palabras respecto, igualdade e educación para que se puidesen converter nunha realidade.
A concelleira de Benestar Social, Luísa Feijóo, destacou “a calidade e a claridade das propostas formuladas polos voceiros e voceiras dos Consellos representados”. Tamén puxo en valor “o gran traballo feito polos nosos nenos e nenas que demostran día a día e sesión a sesión a súa capacidade de traballo, a madurez das súas ideas e iniciativas, as leccións que nos dan en participación e democracia e máis se temos en conta que os nosos son nenos e nenas de primaria. Eles son o futuro e o futuro promete”.
preme na imaxe
Boas! Onte o alumnado do cole disfrutou dunha festeira xornada de castañas e música. Pasárono xenial!!! Grazas á ANPA pola colaboración. Pasárono moi ben bailando rock co concerto de "A CASA DO ROCK".
-
EXPERIMENTO: "IMPRESIÓNS DIXITAIS"
O alumnado de 1º A, realizou este experimento comezando por explorar cos seus sentidos.
Ninguén no mundo ten unhas impresións dixitais como as túas. Somos máis de 7.000 millóns de persoas no mundo. Mais aínda que tiveras un xemelgo ou xemelga, non tería unhas impresións dixitais como as túas.
preme na imaxe
Onte, o claustro do noso centro asistiu a formación de "DISCIPLINA POSITIVA" na biblioteca da man de
Lara Arribas e Eva Muñoz.
Déronnos varias ferramentas moi valiosas para o día a día co noso alumnado.
Estivo moi interesante e abriunos unha nova mirada na nosa labor docente.
preme na imaxe
Nesta ocasión, presentamos os novos xogos que temos na biblioteca.
Así que achégate a Agrobiblio nos recreos!!!
Este curso, en colaboración coas familias realizamos unha gran exposición de cabazas.
Este foi o resultado!!!
XA QUE O LEMA DESTE CURSO DAS BIBLIOTECAS ESCOLARES É "ESCRIBIR A BIBLII OTECA" na festa pola tarde realizouse un conto colaborativo de samaín entre as familias que acudiron a festa!!!
se queres saber como é...preme na imaxe
A CONTINUACIÓN, PODEDES VER ALGÚNS EXEMPLOS DOS TRABALLOS REALIZADOS NAS DISTINTAS AULAS POLO SAMAÍN!!!
O pasado venres 28 de outubro, iniciaron as viaxes das mochilas viaxeiras!!!
Este curso, unha vez mais, todo o centro desfrutaráas nas súas casas e , o mais importante de todo, compartirémolas coas familias.
Nas diferentes mochilas, os contidos escollidos fan referencia á temática do noso proxecto e mais temáticas, sendo seleccionados en colaboración co equipo de biblioteca e os propios titores e titoras adaptándose o máximo posible á idade, intereses e características dos nenos e nenas.
Preme na imaxe para ver como foi!!!
Hoxe o noso alumnado de 6º realizou un obradoiro de regueifas, en colaboración co Equipo de Dinamización da Lingua Galega, dentro do programa:
Enreguéifate é un proxecto impulsado polos concellos de
Ames, Carballo, Pontevedra, Santiago de Compostela e Teo que apoia a difusión
da improvisación oral en verso (regueifa) para contribuír, por medio dela, á
promoción do uso da lingua galega.
Neste camiño, Enreguéifate súmase ao labor que xa veñen
realizando diversas entidades públicas e privadas, así como moitas persoas do
ámbito cultural e do ensino.
O obxectivo principal deste proxecto é que a cidadanía entre
en contacto coa improvisación oral en verso a través da experiencia de
regueifar, nomeadamente no ámbito escolar. Por iso, inclúe accións formativas
para alumnado e profesorado, un certame regueifeiro e un encontro anual de
regueifa.
Damos as grazas aos formadores Lupe Blanco e Cristian de Burela, porque sentímonos como verdadeiros regueifeiros e regueifeiras.
Mirade ben ao voso redor...achégase a noite máis arrepiante e terrorífica do ano cando as ánimas e demais criaturas do máis alá voltan ao mundo dos vivos...
Xa está aquí O SAMAÍN!!!
Nota para a Festa
Reabrimos a nosa Agrobiblio !!!
Hoxe é o Día das bibliotecas escolares.
Leopoldo está a realizar unha gran viaxe e que mellor maneira que visitar as distintas bibliotecas que hai no mundo.
"ESCRIBIR a biblioteca" é importante como caderno de viaxe da nosa aprendizaxe e a BiblioTecuida, como protectora, fogar ou refuxio nalgúns países.
Imos coñecer eses lugares cheos de libros e de moitas historias:
AS BIBLIOTECAS
Xa comezamos a nova andaina cun marabilloso equipo de BIBLIOAXUDANTES. e hoxe tivemos a primeira reunión do curso 22/23.
Nesta reunión abordamos clasificación e organización dos fondos da biblio, organización e tarefas do equipo, programa Radio na biblio e recollemos tamén a súa voz.
Comezarán o luns para ir preparando diversas actividades.
Moitas grazas a todos pola vosa participación.
preme na imaxe
Coa posta en marcha da Agrobiblio, faltábannos, os BIBLIOAXUDANTES.
Fixemos a petición ao alumnado de 6º, de forma voluntaria, e foron convocados a unha reunión para realizar o sorteo.
Grazas por participar!!!
preme na imaxe
A Consellería de Cultura, Educación, Formación Profesional e Universidades publica o lema e o cartel para as bibliotecas escolares de Galicia de cara a este curso 2022/2023. O lema elixido, ESCRIBIR A BIBLIOTECA ESCOLAR, quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento.
Hoxe é un día moi emotivo para os que levamos tempo no Agro. Despedimos á nosa compañeira Isabel Villar.
Foi moitos anos a nosa bibliotecaria rexistrando os fondos bibliográficos e facéndolle a nenos e profes os carnets de usuarios. Moitos nenos de Ames débenlle a Isabel a súa iniciación como usuarios dunha biblioteca, da nosa biblio, e polo tanto como potenciais lectores. Ese xa é un logro. Tamén a súa labor como mestra e a súa valía como compañeira.
Moita sorte nesta nova etapa da vida. O Agro sempre estará aberto para ti! Sorte Isa!
Apertas grandes de todo o claustro de Agro e de Leopoldo!!!
Rematamos o mes de setembro facendo a formación de usuarios tanto do profesorado como do alumnado para poder desfrutar este curso da nosa bilioteca que trae moitas novidades!!!
preme na imaxe
Benvid@s a este novo curso que estará cargado de moitos bos momentos e lembrade que:
"Cada vez que abres un libro...
pasas polo mundo abrindo fiestras á imaxinación, coñecementos, sentimentos, emocións, fantasía... todo o que queirades soñar".
Este curso 2022-2023, Leopoldo acompañaranos ollando por esa fiestra aberta ao mundo....
Abróchen os cinturóns... que Comezamos!!!
Boa viaxe!!!
Xa están aquí as recomendacións lectoras de verán!
Desfrutádeas!
Bo verán!
O alumnado de 5º B de Ed. Infantil, tamén se estreou na radio, contándonos "Rata linda de Compostela". é un clásico do noso itinerario lector co que traballamos ao longo do segundo e terceiro trimestre. Gravalo e escoitalo fíxolles moita ilusión, a ver se a vós tamén vos gusta.
preme na imaxe
O alumnado de 2º C estreouse na radio cunha entrevista ao artista Manolo Boquete, pai do seu compañeiro Gael. Fixéronlle preguntas moi interesantes e quedaron sorprendidos/as con todo o que lles contou. Estaban nerviosos/as e moi emocionados/as!
Grazas Manolo por esta experiencia tan xenial en Agroonda!!
Grazas Iria por ser unha gran técnica de son!!
preme na imaxe
Recibimos a visita do alumnado de 5º C na nosa Radio Agroonda cun programa "Natureza Misteriosa". Neste programa poderemos descubrir curiosidades sobre a natureza e o mundo que nos rodea. Nesta ocasión buscaron se existe algún animal inmortal entre outros misterios.
O alumnado de 5º A estivo traballando ao longo do curso as lendas. Como estamos co tema do Camiño e encadrado no PDI de centro "Pasiño a pasiño facemos o camiño II", recollemos lendas relacionadas cos lugares por onde pasan os peregrinos de camiño a Compostela. Cada neno/a traballou unha. Esta é unha mostra de 5 das que se recolleron!!!!
preme na imaxe
Aquí tedes os"Faladoiros no Muíño" deste curso e tanto o Equipo da biblioteca como o profesorado queríamos dar as grazas ás familias pola vosa colaboración.
Moitas grazas!!!
Esperámosvos o curso que vén con outras inquedanzas!!!
Para conseguir os obxectivos do
Proxecto Lector do Centro, todos os cursos elaboramos un Plan de Lectura anclado en tres eixes principais:
Xa estamos a piques de rematar o curso, así que tamén pechamos a biblio por vacacións.
Hoxe, queríamos facerlle unha homenaxe aos verdadeiros protagonistas deste Pasiño a pasiño facemos o camiño II.
Aquí tedes algúns exemplos dos traballos producidos dentro do noso PDI, neste curso tan diferente, pero con moitas gañas de aprender e compartir.
preme na imaxe
Hoxe visitounos Santi, o pai de Mateo e Pedro, e contounos o "Peixe arcoiris". E logo fixemos o mar nunha pequena botella!!!
Encantounos o conto e a actividade!!!
preme na imaxe
No noso colexio temos dúas futuras escritoras polo que lles damos os nosos parabéns a Xiana Pousa Pazos, de 5º A por acadar o primeiro premio no II Certame literario de Territorio Vákner convocado polo Concello de Dumbría e tamén a Uxía Busto Domínguez, de 3º A, polo primeiro premio de Poesía do Certame das Letras Gazafellas de Negreira.
Noraboa e a seguir colleitando moitos máis gozando coa escritura.
