Mochilas Viaxeiras

 Hoxe saen as mochilas viaxeiras con moitas gañas de ir de onda en onda e casa por casa mergullándose nos vosos fogares, corazóns e emocións.

Chegou o Samaín!!!

  

ITINERARIO LECTOR 24-25

 Xa podedes ver na entrada do noso cole todos os libros que imos ler no itinerario lector. 

MERGÚLLATE NO AGRO

 Benvid@s a este novo curso que estará cargado de moitos momentos acuáticos e submarinos xa que....

MERGÚLLATE NO AGRO...

"Será un un libro...

que abrirá as paisaxes más fermosas e descoñecidas do noso mundo mariño.

Este curso 2024-2025, acompañados de Leo e Lea  mergullarémonos nese mundo mariño por descubrir.

Faladoiros no muíño na clase de 6º de Ed. Infantil

 Aquí vos deixamos un breve resumo de todos os faladoiros que fixeron na aula de 6º de Infantil. Todo dentro do seu proxecto de Exipto!

Enraízate no Agro!

As novelas de 5ºA: unha noite no museo

Polo día dos museos o alumnado de 5ºA decidiron realizar unhas novelas tendo como temática: unha noite no museo... vide botarlle un ollo!

Enraízate no Agro!

Programa de radio: rematamos o curso

Atentos e atentas! Xa está aquí, o noso programa de radio de remate de curso no que alumnos e alumnas de diferentes cursos reuniron saberes e habilidades para contarnos un pouco todo o aprendido. Atendede! non ten desperdicio! Xa sabes:

Enraízate no Agro!

Podcast: Refráns e aves galegas co alumnado de 3ºB

 O alumnado de 3º de E. Primaria B grabaron un interesante podcast sobre refráns e aves galegas. Moi atentos e atentas!

Recibimos a visita de David Rodríguez, autor de Superavoa

 Hoxe, o alumnado de 1º ciclo recibiu a visita de David Rodríguez, autor da obra "Superavoa" e fíxonos pasar un divertido momento acompañados da súa guitarra. 

Gracias por vir, David! Volta cando queiras!

Enraízate no Agro. Os nosos proxectos

Este ano no CEIP Agro do Muíño achegamos a flora e fauna da nosa contorna ao noso alumnado. Puidemos curiosear, investigar, experimentar e sobre todo... APRENDER da bichería e da flora que nos rodea... 

Queres ver todo o que descubrimos? Bota un ollo!!

Itinerario lector. Os nosos proxectos

 Nesta páxina poderedes descubrir os traballos que realizou a nosa cativada dentro do itinerario lector no curso 2023-2024. Non volos perdades! Xa sabes:

Enraízate no Agro!

Faladoiros 23-24. Nº10. As emocións e como xestionalas

 Esta semana visitounos Daniela, nai de Hugo Barreiro, para falarnos das emocións, de como recoñecelas e sobre todo de como podemos xestionalas no noso día a día. Foi unha actividade divertida e moi emotiva na que a rapazada reflexou os seus medos con debuxos, puxolle nome a esas cousiñas que sinten, bailamos e tamén mostramos aos demáis as boas emocións de moitas formas. Para rematar recibiron un bonito agasallo pola sua parte.

Moitísimas gracias Daniela pola tua implicación e por ser como eres!

Mercado da semana do día do libro

 Como iniciativa para a semana da libro dende Agrobiblio organizamos un mercado para darlle unha segunda vida aos libros que estamos expurgando da biblioteca. "Conto, conta, gato" é unha colaboración coas colonias de gatos de Bertamiráns para recaudar artículos para gatos a cambio de eses libros de expurgo... e xa vedes, a iniciativa foi todo un éxito! Temos Agrobiblio a rebentar!

Xa sabes: Enraízate no Agro!

Faladoiros 23-24. Nº9. As células da sangue

Natalia, a nai de Lucía Arevalillo, é bióloga e traballa no laboratorio do CHUS. Explicounos un pouco en que consistía o seu traballo e trouxo a maqueta dunha arteria para explicar os distintos tipos de células que podemos atopar no sangue. Por último, trouxo mostras dos tipos de tubos, frascos e palomitas para facerlles unha pequena demostración.

Foi todo un éxito e aprendemos un montón sobre como funciona o noso corpo por dentro.

Conto conta gato

Que é "Conto, conta, gato"?

É un mercado de libros que organiza Agrobiblio onde o alumnado poderá trocar un libro de expurgo por un artículo para gatos que se donará ás colonias de gatunos de Bertamiráns.

Quédate a ver o vídeo e explicámosche polo miúdo!

Queres saber máis?

Aquí tes o noso tríptico explicativo.

2 de abril. Día do conto infantil

Con este motivo e formando parte do seu plan de traballo, os nenos e nenas de 5° de infantil A, inventaron con Iván Rey, alumno en prácticas, este fermoso conto titulado: "A princesa e o coello que se fixeron amigos". Unha creación feita 100% por eles e elas!. Uns artistas! Desfrutade del.

Enraízate no Agro!

EduCando con Malibú

Malibú veu visitar ao alumnado de 2º,3º e 4º de primaria para ensinarlles a ser máis responsables, máis solidarios e ter un maior respecto hacia os animais. Malibú é unha cadeliña que foi abandoada e afortunadamente rescatada. Agora, vive feliz na Casa Grande de Xanceda e aproveita a súa experiencia para ir por diferentes coles a falar cos nenos e nenas e ensinarlles o coidado adecuado que precisan as nosas mascotas, a responsabilidade que require ter unha mascota na casa, o que debemos facer si atopamos un can abandoado, entre outras moitas cousas.

Foi unha experiencia moi interesante e desfrutamos un montón!

Día da poesía, as árbores e os bosques

 Aquí tendes un pequeno resumo da actividade que realizou o alumnado de 1º ciclo polo día da poesía, as árbores e os bosques. Fixeron poemas sobre a flora de Galicia. Xa sabes:

Enraízate no Agro!

Entrevista ao alcalde de Ames, Blas García

O alumnado de 3° comezamos o noso proxecto sobre as institucións. Queríamos saber un pouco sobre o traballo do alcalde e pedirlle algúns consellos. Convidamos a Blas García Piñeiro a unha entrevista en agroonda e aceptou encantado.

Xa sabes enraízate no Agro!

Faladoiros 23-24. Nº8. O monstro, o rato e eu (acoso escolar)

 Estes días na clase de 2B tivemos a visita de Inmaculada, a nai de Hugo García. Contounos a historia "O monstruo, o rato e eu" para traballar a autoestima e o acoso. Foi moi interesante e a rapazada participou aportando moitas ideas. No remate recibiron un bonito agasallo pola sua parte. 

Moitas grazas Inma!!! Volve cando queiras.

A rapazada de 5ºA creou unha biblioteca de aula

Esta semana a rapazada de 5ºA creou unha biblioteca de aula e mirade que chula lles quedou ... e todo creado por eles e elas!

Enraízate no Agro!

Escola de familias. Charla sobre deporte, familia e educación

 Estes días contamos na escola de familias, organizada pola ANPA, coa visita de Manuel Santos Nores que nos puxo ao día sobre: "Deporte, familia e educación". Gracias por vir!

Enraízate no Agro!

Enraízate na igualdade

 A rapazada de 2º ciclo creou neste 8 de marzo un fermoso vídeo no que reflexionaron sobre a igualdade de xénero que eles e elas queren. Non volo perdades!

Enraízate na igualdade! Enraízate en Agro!

A nosa antiexposición do 8m

 Estes días estamos de expurgo na biblioteca e aproveitamos algúns dos libros que se van retirar para facer unha reflexión polo 8 de marzo que chamamos: "Somos moito máis ca isto". Animámosvos a botarlle un ollo!

Agrobiblio pola igualdade

Radio na biblio con Pedro Iglesias

 Dentro do programa Radio na biblio o alumnado de 5º de Primaria recibiu estes días unha formación da man de Pedro Iglesias que lles serviu para iniciarse no mundo da radio.

Grazas Pedro por formar aos futuros radioaxudantes!

23 de febreiro. Día de Rosalía.

Adeus ríos, adeus fontes... e outros poemas e obras de Rosalía de Castro están na nosa exposición de Agrobiblio adicada á nosa tan querida escritora e poetisa... pásate a vela!

Obradoiros de Biblioteca Creativa. A flora e fauna de Galicia.

 O alumnado de 1º ciclo acudiu estes días a uns obradoiros manipulativos de flora e fauna de Galicia dentro do programa Biblioteca Creativa. Clasificaron, investigaron e aluncinaron usando os microscopios. Xa sabes: Enraízate no Agro!

 

Entroido 2024: Enraízate no Agro

Atentos todos e todas! Chegou o Entroido e Agro do Muíño foi invadido por unha morea de bichería e flora da nosa terra. Aquí tendes un pequeno resumo do noso festival de Entroido.

Pincha na imaxe para acceder ao vídeo.

Libros pola paz

 Dende Agrobiblio facemos estes días unha proposta de libros que traballan sobre a paz e poden achegar aos máis cativos diversas realidades.

Agro pola paz!

Comezamos o ano sabendo o que comemos

O alumnado de 3° de Ed. Primaria acudiu a un obradoiro de etiquetado de alimentos. Aprenderon a prestarlle atención ao que mercan e tamén a recoñecer alimentos que realmente sexan saudables. Creando conciencia sobre o que comemos e non esquezas:

Enraízate no Agro!